උතුරු පළාත් නව ආණ්ඩුකාර වරියට එරෙහිව යාපනේ විරෝධතා

උතුරු පළාත් නව ආණ්ඩුකාර වරියට එරෙහිව යාපනේ විරෝධතා

දෙවන වරටත් උතුරු පළාතට පත්වූ ආණ්ඩුකාරිනී  පී.එම්.එස්.චාර්ල්ස්ට විරෝධය පල කරමින් යාපනයේ පිරිසක් නගර සභා පාර අසලදී අද ( 19 ) විරෝධතාවයක් පැවැත්වූහ.

විරෝධතාකරුවන් කියා සිටියේ ආණ්ඩුකාරවරිය වශයෙන් වසර තුනක් පමණ  පී.එම්.එස්. චාර්ල්ස්  උතුරේ සේවය කළ නමුත් එම කාලයේදී ඇයගෙන් පළාතට කිසිදු සේවාවක් හෝ මහජනයාගේ ප්‍රශ්න වලට ඇහුම්කන් දීමක් සිදු නොවූ බවය.

ඇයව ජනාධිපතිවරයා විසින් යළිත් ආණ්ඩුකාරධූරයට පත්කොට ඇත්තේ ඇගේ දක්ෂකම නිසා නොව රනිල් වික්‍රමසිංහ ජනාධිපතිවරයාගේ රජයට බලය ආරක්ෂා කර ගැනීම සඳහා මැතිවරණ කොමිසමමේ රැඳෙමින්  ඇය ලබා දුන් දායකත්වය වෙනුවෙන් පමණක් බවද විරෝධතාකරුවෝ කියා සිටියහ.

ඇයට එරෙහිව දූෂණ චෝදනා රැසක් ඇති බවත් ඇය ආණ්ඩුකාර ධූරයේ සිටි කාලයේදී ඇයගේ පවුල වෙනුවෙන් උපයා ගත් නීති විරෝධී දේපල සම්බන්ධයෙන් වහාම පරීක්ෂණ පවත්වා ඇයව අත් අඩංගුවට ගත යුතු බවද විරෝධතාකරුවෝ  හඩ නගමින් කියා සිටියහ.

Share This