දවසේ ලග්න පලාපල – 2023 මැයි මස 02 වන අඟහරුවාදා

මේෂ

ශුභාශුභ ඵල සහිතයි. රාජකාරි බහුල වෙයි. රැකියා ස්ථානවල තරමක් අවුල් සහගත තත්ත්ව ඇති වෙයි. වගකීම් බහුල වීම මත තරමක් ආවේගශීලී ගති ඉස්මතු වෙයි. ඉවසීමෙන් ක්‍රියාවේ යෙදීම මැනවි. සිරසගත රෝග ද මතුකරයි.

වෘෂභ

ක්‍රියාකාරකම් බහුල වෙයි. අතරමග නතර කළ වැඩ ඉදිරියට කරගෙන යෑමේ ශක්තිය ඇති වෙයි. ගමන්බිමන් ද යෙදේ. වැයපස ද ඉහළ යයි. අන් අයට උපදෙස් හෝ මඟපෙන්වීම්වලට හේතුයි. සෙම් ආශ්‍රිත රෝග මතුකරයි.

මිථුන

ක්‍රියාශීලියි. පොදු සේවා කටයුතු, සමාජ සත්කාරක ක්‍රියා ආදියෙහි යෙදේ. වැයපස ද ඉහළ යයි. තරමක් සිත් චංචල කරවන ක්‍රියාවන්හි යෙදේ. ආගමික උත්සව, වගාවන් ආදියෙහි යෙදේ. ස්නායුගත රෝගවලට හේතුයි.

කටක

ශුභාශුභ මිශ්‍රඵල දෙයි. දානමානාදී පුණ්‍ය ක්‍රියාවන්හි යෙදේ. විනෝදකාමි ක්‍රියාවන් යෙදේ. තම ඥාති මිත්‍රාදීන් ඒකරාශීව ක්‍රියා කරයි. හදිසි ධන ලාභ ලබයි. ආමාශගත රෝග, පාද ආබාධ මතුවේ.

සිංහ

ශුභාශුභ ඵල දෙයි. රැකියා ස්ථානවල අස්ථාන චෝදනා එල්ල වෙයි. ඉවසීමෙන් ක්‍රියා කළ යුතු වන අතර තම ඥාති මිත්‍රාදීන් සුහදතා ක්‍රියාවන්හි යෙදේ. අක්ෂි රෝග කර්ණ රෝග මතුකෙරේ. දහමට ලැදිව ක්‍රියා කරන දිනකි.

කන්‍යා

ක්‍රියාශීලි දිනකි. සුපුරුදු ක්‍රියාකාරකම්වල යෙදෙන අතර ඇසුර දුරස්ථ ඥාතීන් සමීප කරවන ක්‍රියා යෙදේ. හදිසි ධන වාසනා ලබන දිනකි. සිරසගත රෝග ද මතුකරන දිනකි. රැකියා ස්ථානවල පැවැති බාධා ඉවත් වෙයි.

තුලා

සුළුවෙන් හෝ ගමන්බිමන් බහුල වෙයි. අවිවේකී දිනකි. තම ව්‍යාපාරවල දියුණුවක් පෙනේ. යටපත්ව තිබූ ප්‍රේම සබඳතා මතුවෙයි. වැයපස ඉහළ යයි. සෙම් රෝග, උෂ්ණ රෝග මතුකරයි. ප්‍රීති සාද වැනි දේවලට යොමුවේ.

වෘශ්චික

අවිවේකී දිනකි. රාජකාරි ද බහුල වන අතර ගමන් බිමන් යෙදේ. අතපසුවීම්වලට හේතුයි. ඇසුරු කරන්නන් නිසා තරමක් ආවේගශීලී වෙයි. අමතර ලාභ දෙයි. මෞත්‍ර ලිංගික පද්ධතියේ රෝග මතුවෙයි. ඉවසීමෙන් ක්‍රියා කළ යුතු දිනකි.

ධනු

ශුභාශුභ ඵල දෙයි. පොදු සේවා කටයුතුවල යෙදේ. දහමට ලොල්ව ක්‍රියා කරයි. තම ඇසුරු කරන්නෝ ද දහමට යොමු කරවයි. ව්‍යාපාරවල තරමක් දියුණුව පෙනේ. ස්නායුගත රෝග මතුවෙයි.

මකර

ශුභාශුභ ඵල දෙයි. ක්‍රියාශීලී දිනකි. තම ඥාතීන්ගේ අවශ්‍යතා මත ක්‍රියා කරයි. වැයපස ඉහළ යයි. ආගමික වතාවත් පුද පූජාවලට යොමු වෙයි. ලේ දූෂිත රෝග, හදවත් රෝග මතුවේ.

කුම්භ

ශුභවාදී ඵල යෙදේ. රාජකාරි බහුල නමුත් පොදු සේවා ක්‍රියාකාරකම්වල ද යෙදේ. ආගමික ක්‍රියා කටයුතුවල ද යෙදේ. තරමක් වැයපස ද ඉහළ යයි. හදිසි ධන වාසනා එල්ල වෙයි. වාතාධික රෝග මතුවේ.

මීන

ශුභාශුභ ඵල දෙයි. තරමක් කලකිරීම් මතු කරයි. හුදෙකලාව ගතකරයි. ඉවසීමෙන් ජය ලබාගත හැකිය. සතුරන් ද දමනය වෙයි. ආගමික වැඩසටහන් දියත් කරයි. පුද පූජා කර්මවල ද යෙදේ. මුත්‍රා දැවිලි ආසාදන රෝග සාදයි.