දවසේ ලග්න පලාපල – 2023 අගෝස්තු මස 28 වන සඳුදා

මේෂ

ශුභාශුභ මිශ්‍ර ඵලදෙයි. ක්‍රියාකාරී දිනකි. රාජකාරී වැඩ අධික වෙයි. පොදු සේවා කටයුතුවල යෙදේ. තම අවශ්‍යතා ඉටු නොවුණ ද උනන්දුවෙන් දවස ක්‍රියාකරයි. අමතර ලාභ ද ලබයි. සෙම් රෝග උෂ්ණ රෝග මතුවේ.

වෘෂභ

ක්‍රියාකාරකම් බහුල වන අතර තම ක්‍රියාකාරකම් කෙරෙහි අන් අයගේ අවධානය වැඩිවන බැවින් බුද්ධිමත්ව ක්‍රියාකළ යුතු හදිසි තීරණ මත ක්‍රියාකිරීම ශුභ නොවේ. හදිසි ධන ලාබ දෙයි. ස්නායුගත රෝග මතුකරයි.

මිථුන

තම ඥාතීන්ගේ අවශ්‍යතා මත දවසේ වැඩි කාලයක් ක්‍රියාකිරීමට සිදුවේ. රාජකාරි අතපසුවීමට ඉඩ තිබේ. අන් අයගේ විවේචනයට පාත්‍ර වන බැවින් ඉවසීමෙන් දුරදිග බලා තීරණය ගත යුතුය. අම්ල පිත්ත රෝග ඉස්මතු වෙයි.

කටක

ක්‍රියාකාරකම් බහුල වෙයි. තරමක් ආවේගශීලීගති මතු කරයි. රාජකාරී ස්ථානවල කැපී පෙනේ. නමුත් බුද්ධිමත්ව ක්‍රියාකළ යුතු ඇසුරු කරන්නන් නිසා තරමක් පීඩනයට පත්වන කරුණු යෙදේ. සිරසගත රෝග සාදයි.

සිංහ

හදිසි තීරණ මත ක්‍රියාකිරීම ශුභවාදී නොවේ. තම ඇසුරින් දුරස්ථ ඥාතීන් සමීප කරවයි. නිවස තුළ ක්‍රියාකාරකම්වල යෙදෙන අතර වාතාධික රෝග ඉදිමුම් රෝගාදියට හේතුයි. ප්‍රීතිසාද වැනි දේවලට හේතුයි.

කන්‍යා

සුළු සුළු ගමන් යෙදීම මත අවිවේකය ද වැයපස ද ඉහළ යයි. නවක මිතුදම් ඇතිවෙයි. අනුන් විශ්වාස කර වැඩ කටයුතුවල යෙදීම ශුභවාදී නොවේ. සෙම් කෝප රෝග, පෙනහළු ආසාදනවලට හේතුයි. විනෝද ක්‍රියාවන්හි යෙදේ.

තුලා

ශුභාශුභ ඵල දෙයි. තම ව්‍යාපාරික කටයුතුවල තත්ත්වය පහත වැටේ. තරමක් සොර සතුරුකම්වලට ද හසුවේ. තම අරමුණු බාධා ගෙන දෙයි. මෞත්‍රලිංගික පද්ධති රෝග මතු කරයි. හදිසි ධන වාසනා ලාභ ද ලබන දිනකි.

වෘශ්චික

තරමක් ක්‍රියාශීලී දිනකි. තම ව්‍යාපාරවල තරමක් පහත වැටීමක් පෙන්වයි. යටපත්ව තිබූ සතුරු බලපෑමක් ඉස්මතු වෙයි. සිත් චංචල කරවයි. ආහාර විෂවීමේ රෝගවලට හේතුයි. බුද්ධිමත්ව ක්‍රියාකර තමනට ජය ගත හැක.

ධනු

ක්‍රියාශීලී දිනකි. තම ඇසුරු කරන්නන් හා සුහදතා වර්ධන ක්‍රියාවන්හි යෙදේ. ව්‍යාපාරවල දියුණුවක් දැකිය හැකි දිනකි. මිතුරන්ගෙන් උපදෙස් උපකාර ලබයි. පාදවල ආබාධ ඉදිමීමේ රෝග සාදයි. පොදු වැඩවලදී කැපී පෙනෙයි.

මකර

තරමක් අවිවේකී දිනකි. කාලය හා ධනය වැයවන අතර මනසට අවිවේකය ඇතිවෙයි. රාජකාරී කටයුතුවලදී ඉවසීම මැනවි. හදිසි ලාභ මතුකරයි. සිරසගත රෝග මතුවන දිනකි. ආගමික උත්සව වැනි දේවලට යොමුවේ.

කුම්භ

ශුභාශුභ ඵලදෙයි. ගමන් බිමන් යෙදෙන අතර නිශ්ඵල ගමන් ද යෙදේ. උගතුන්ගෙන් උපදෙස් උපකාර ලබයි. නව නිපැයුම්වලට ශුභයි. අමතර ලාභ ලබයි. මානසික රෝග කොන්දේ අමාරු මතුකරයි. ප්‍රීති සාද වැනි දේවල්වලට සහභාගි වේ.

මීන

සුළු සුළු ගමන් බිමන් යෙදුනත් වැය පස ඉහළ යන දිනකි. බුද්ධිමත්ව ක්‍රියාකළ යුතු අතර රැවටිලිවලට හසුවීමට ඉඩ තිබේ. සතුරන් දමනය වන දිනකි. සෙම් ආසාදන රෝග ඌෂ්ණ රෝග මතුකරයි. දහමට ලැදිව ක්‍රියා කරන දිනකි.