ශ්‍රී ලංකා කාන්තා ක්‍රිකට් පිලට ලක්‍ෂ 75 ක ත්‍යාගයක්
ශ්‍රී ලංකා ක්‍රිකට් ඉතිහාසයේ පළමු වරට ප්‍රබල එංගලන්ත කාන්තා ක්‍රිකට් පිලට එරෙහිව විස්සයි20 තරගාවලි ජය ලැබූ ශ්‍රී ලංකා කාන්තා ක්‍රිකට් පිලට ඇමරිකානු ඩොලර් 25,000 ක් හෙවත් රුපියල් ලක්‍ෂ 75 ක මුදල් ත්‍යාගයක් පිරිනමන බව ශ්‍රී ලංකා ක්‍රිකට් ආයතනය පවසයි.
ශ්‍රී ලංකා කාන්තා ක්‍රිකට් පිල නැවත ශ්‍රී ලංකාවට පැමිණි පසු විශේෂ ඇගයීමේ උත්සවයක් ද පවත්වන බව ශ්‍රී ලංකා ක්‍රිකට් ආයතනය වැඩි දුරටත් සඳහන් කළේය.
ශ්‍රී ලංකා ක්‍රීඩිකාවෝ ඊයේ පැවැති තෙවැනි සහ අවසන් විස්සයි20 තරගයෙන් කඩුලු 7 ක පහසු ජයක් ලබා 2-1 ක තරගාවලි ජය ලැබීමට සමත් වූහ.