වවුනියාවේ බාලිකා විද්‍යාලයක ට බෝම්බ බියක් – පාසලට පොලිස් ආරක්ෂාව

වවුනියාවේ බාලිකා විද්‍යාලයක ට බෝම්බ බියක් – පාසලට පොලිස් ආරක්ෂාව

බෝම්බ තර්ජනයක් පිළිබදව ලැබුණු තොරතුරක් මත වවුනියාවේ රම්බෙයිකුලම් බාලිකා විද්‍යාලයට ඊයේ (25) සවස සිට විශේෂ පොලිස් ආරක්ෂාවක් ලබා දි ඇතී අතර දැරියන්ගේ දෙමව්පියන් දැඩි භීතියකට පත්ව සිටිති.

තමන් පොලිසියෙන් ලෙස හඳුන්වා දුන් පුද්ගලයින් දෙදෙනෙක් මෙම බාලිකා විදුහලට පැමිණ ප්‍රධාන ගේට්ටුවේ සිටි ආරක්ෂක නිලධාරියාට පවසා ඇත්තේ පාසලේ සිසුවියන් ඉලක්ක කරගෙන බෝම්බ ප්‍රහාරයක් එල්ල කිරීම සදහා බෝම්බ කරුවන් දෙදෙනෙකු පාසල අසල ගැවසෙන බවට තොරතුරු ලැබී ඇති බවයි.

ඔවුන් දෙදෙනා මෙම පණිවුඩය ප්‍රධාන ආරක්ෂක නිලධාරියාට පවසා පාසලෙන් බැහැරව ගොස් තිබේ.

ආරක්ෂක නිලධාරියා වහාම විදුහල්පතිනිය හමු වී මේ පුවත ප්‍රකාශ කිරීමත් සමගම පාසල තුළ දැඩි නොසන්සුන් තත්ත්වයක් හට ගෙන තිබේ.

ශිෂ්‍යාවන්ගේ දෙමව්පියන් පාසලට පැමිණ ඔවුන්ගේ දරුවන් නිවෙස් වලට රැගෙන යාම සඳහා ලබා දෙන ලෙස ඉල්ලීමක් කොට තිබේ.

මේ සම්බන්ධයෙන් පොලීසියට ලැබුණු තොරතුරක් මත විශේෂ පොලිස් කණ්ඩායමක් පැමිණ පාසලට ආරක්ෂාව ලබා දී තිබේ.

මේ තත්ත්වය මට එම පාසලට අද (26) සිසුන්ගේ පැමිණීම බෙහෙවින් පහත වැටුණු තත්ත්වයක් දක්නට ලැබුණි.

Share This