කුසල් වෙනුවට නිරෝෂන් විස්සයි විස්ස සංචිතයට

කුසල් වෙනුවට නිරෝෂන් විස්සයි විස්ස සංචිතයට

ශ්‍රී ලංකා ප්‍රවේගකාරී පිතිකරු කුසල් පෙරේරා අසනීප තත්වයකින් පසුවීම හේතුවෙන් බංග්ලාදේශයට එරෙහිව පැවැත්වෙන විස්සයි20 තරගාවලිය ඔහුට අහිමිවන බවත්, එම ස්ථානයට නිරෝෂන් දික්වැල්ල ආදේශ කළ බවත් ශ්‍රී ලංකා ක්‍රිකට් ආයතනයේ නිලධාරියෙක් පැවසීය.

බංග්ලාදේශය බලා ඊයේ පිටත්ව ගිය ශ්‍රී ලංකා කණ්ඩායමට කුසල් පෙරේරා එක්නොවූ බවත් එම නිලධාරියා වැඩි දුරටත් සඳහන් කළේය.

ඒ, අනුව නිරෝෂන් දික්වැල්ල බංග්ලාදේශයට ගොස් සිටින ශ්‍රී ලංකා විස්සයි විස්ස සංචිතය සමඟ එක්වීමට නියමිතයි.

දික්වැල්ල ශ්‍රී ලංකාව වෙනුවෙන් අවසන් වරට විස්සයි විස්ස තරගයක් සඳහා ක්‍රීඩාකර ඇත්තේ 2021 වසරේ ජුනි මාසයේදී යි.

Share This