ලිට්රෝ ගෑස් මිල නැවතත් අඩු කෙරේ

ගෘහස්ථ ලිට්රෝ ගෑස් සිලින්ඩරයක මිල ලබන මස මුලදී නැවතත් අඩු කරන බව ලිට්රෝ සමාගමේ සභාපති මුදිත පීරිස් මහතා පවසයි.

ඒ අනුව, ඉදිරියේදී නව මිල ගණන් ප්‍රකාශයට පත් කිරීමට නියමිත බවත් මෙය මෑතකදී සිදුකරන සිව්වන මිල අඩු කිරීම බවත් ඒ මහතා පැවසීය.

පසුගිය පස්වනදා ලිට්රෝ සමාගම විසින් කිලෝග්‍රෑම් 12.5 ගෘහස්ථ ගෑස් සිලින්ඩරයක මිල රුපියල් 452 කින් අඩු කළ අතර, ඒ අනුව මේ වනවිට එය රුපියල් 3,186ක්ට අලෙවි වේ.

එමෙන්ම කිලෝග්‍රෑම් 05 ගෑස් සිලින්ඩරයක් රුපියල් 181 කින් අඩු වුන අතර මේ වනවිට එය රුපියල් 1,281 මිලකට අලෙවි වේ.