දවසේ ලග්න පලාපල – 2024 මාර්තු මස 05 වන අඟහරුවාදා

මේෂ

ක්‍රියාශීලී දිනකි. අතපසු වැඩ ඉදිරියට කරගෙන යෑමේ ශක්තිය ඇති කරයි. නවක වැඩ ඇරැඹීමට ද හේතුයි. දුරස්ථ වූ ඥාතීන් සමීප වෙයි. තරමක් තම ආර්ථිකයේ වර්ධනයට හේතුයි. ශිරෝ රෝග, උෂ්ණ රෝග සාදයි.

වෘෂභ

ක්‍රියාකාරකම් බහුල වෙයි. සතුරු බලපෑම් දමනය කිරීමේ ශක්තිය ඇති කරයි. රාජකාරීවලදී ඉතා බුද්ධිමත් විය යුතුයි. නොගැළපෙන ඇසුරුකම් මත පීඩා මතුකරයි. මානසික රෝග මතුකරයි.

මිථුන

කලබලකාරී වාතාවරණයක් ඇතිවෙයි. ක්‍රියාකාරකම් අවුල් සහගත වෙයි. ඇසුරු කරන්නන් අතර ප්‍රධාන වෙයි. තම සැලසුම්වලට බාධා ගෙනදෙයි. තරමක් වැයපස ද ඉහළ යයි. සෙම් බහුල රෝග ද මතුවේ.

කටක

ඉවසීමෙන් ක්‍රියා කළ යුතුයි. තම ළඟම ඥාතීන්ගෙන් පීඩා ගෙනදෙයි. මහන්සිවී වැඩ කරයි. ආහාර විෂවීම්වලට ඉඩ ඇති බැවින් ප්‍රවේශමෙන් ක්‍රියා කළ යුතුයි. මුත්‍රා ආසාදන රෝග මතුකරයි.

සිංහ

ශුභාශුභ මිශ්‍රඵල ගෙනදෙයි. කෙටි ගමන් යෙදේ. තරමක් අලස ගති ඉස්මතුකරයි. තම ළඟම ඥාතියකු වෙනුවෙන් වැයපස ඉහළ යයි. සතුරන් දමනය වෙයි. සෙම්කෝප රෝගවලට හේතුයි.

කන්‍යා

ශුභාශුභ ඵල දෙයි. රාජකාරී බහුල වෙයි. අවිවේකි බවක් ගෙනදෙයි. කලකිරීම් ඇතිකරවන ප්‍රශ්න මතුකරයි. දුරස්ථව සිටි ඥාතීන් සමීප වෙයි. සිරසගත රෝගවලට හේතුයි.

තුලා

ශුභාශුභ මිශ්‍රඵල උදාකරයි. හුදෙකලා ගති මතුවෙයි. තම නිවසේ ක්‍රියාකාරකම්වල යෙදේ. දහමට ළැදිව ක්‍රියාකරයි. සමාජ සත්කාරක ක්‍රියාවන්හි යෙදේ. සෙම් ආසාදන රෝගවලට හේතුයි.

වෘශ්චික

සාමාන්‍ය ලෙසින් දවස ගෙවයි. සාමාන්‍ය ලෙසින් රාජකාරීවල යෙදෙන අතර තම ඥාතීන්ගේ අවශ්‍යතා මත වැයපස ද ඉහළ යයි. මුඛ රෝග, දන්ත රෝග මතුකරයි.

ධනු

ශුභවාදී ඵල දෙයි. තරමක් සුහදතා වර්ධන ක්‍රියාවන්හි යෙදේ. රැකියාවන්හි ප්‍රබෝධයෙන් යෙදේ. තම ව්‍යාපාරවල ද පැහැදිලි දියුණුවකට හේතුයි. යටපත්ව තිබූ රෝග නැවත මතුකරයි.

මකර

ශුභඵල දෙයි. තරමක් අලසව ක්‍රියාකරයි. තමන් ගැන කලකිරීම් මතුවෙයි. අතමිට තරමක් හිඟවෙයි. ඇසුරුකරන්නන්ගෙන් උදව් උපකාර වැනි දේ ලබයි. වාතාධික රෝග පැනනැඟේ.

කුම්භ

ශුභාශුභ මිශ්‍රඵල දෙයි. රාජකාරීවල ප්‍රබෝධවත්ව යෙදේ. සමාජ සත්කාරක ක්‍රියාවන්හි යෙදේ. තම ඥාතීන්ගේ ද අවශ්‍යතා මත දවස ක්‍රියාකරයි. අමතර ලාභ ලැබේ. සෙම් අසාදන රෝග මතුවේ.

මීන

ශුභවාදී ඵල මතුවෙයි. තම අරමුණු තරමක් ජය ගනී. කලක් මනසට වධදුන් ප්‍රශ්න නිරාකරණය වෙයි. ඥාති සබඳතා වර්ධනය වෙයි. අමතර ලාභ ද ලබයි. උදරාබාධ, බඩවැල් රෝග මතුවෙයි.