දවසේ ලග්න පලාපල – 2023 නොවැම්බර් මස 07 වන අඟහරුවාදා

මේෂ

ශුභාශුභ මිශ්‍රඵල දෙයි. සුළුවෙන් හෝ ගමන් බිමන් යෙදෙන අතර විනෝදකාමී ක්‍රියාවන්හි ද යෙදේ. රාජකාරි ස්ථානවලද කැපී පෙනේ. වැය පසද සැලකිය යුතු ලෙස වැඩිවන අතර හදිසි ලාභ ගෙනදෙන දිනකි. සිරසගත රෝග ද මතුවෙයි.

වෘෂභ

ක්‍රියාකාරකම් බහුලවෙයි. නමුත් තම ව්‍යාපාරවල දියුණුවක් දැක ගැනීමට ලැබේ. විවිධ කුසලාත්මක ක්‍රියාවන්හි යෙදේ. යටපත්ව තිබූ සතුරු බලපෑම් ඉස්මතු වන අතර ප්‍රවේශමෙන් ක්‍රියාකළ යුතුය. සෙම් රෝග ද මතු කරයි.

මිථුන

ක්‍රියාකාරී දිනකි. ඇසුරු කරන්නන්ගේ අවශ්‍යතා මත ද ක්‍රියාකිරීමට සිදුවෙයි. ලිපි ලේඛන ක්‍රියාවලින් ජයදෙයි. සම්මුඛ පරීක්‍ෂණවලින්ද ජය දෙන දිනකි. තම සැලසුම් ජයගත හැකි දිනකි. සන්ධි ප්‍රදාහ රෝග, වාත රෝග මතුකරයි.

කටක

ශුභාශුභ ඵලදෙයි. කලබලකාරී වාතාවරණයක් ඇති වේ. දුරදිග බලා ක්‍රියාකළ යුතු දිනකි. තම ක්‍රියාකාරකම් විවේචනයට ලක්වන දිනකි. ඇසුරු කරන්නන් අතර ප්‍රධාන වෙයි. හදිසි ධනලාභ දෙයි. මුත්‍රා ආසාදන, අරිසස් වැනි රෝග මතුවේ.

සිංහ

තරමක් අවිවේකී දිනකි. සමාජසේවා කටයුතුවල මූලිකව ක්‍රියාකරයි. ආගමික උත්සව සංවිධානයට සහභාගිවීම් ආදියට හේතුයි. තරමක් මිල මුදල් වැය වෙයි. මුත්‍රා ආසාදන රෝග මතුකරයි.

කන්‍යා

ගමන් බිමන් බහුලවෙයි. සුහදතා වර්ධන ක්‍රියාවන්හි යෙදේ. මහජන ප්‍රසාදයට පත්වෙයි. ආගමානුකූල චාරිත්‍ර, දාන ශීලාදී ක්‍රියාවන්වල යෙදේ. හදිසි ධන වාසනා ලබයි. නේත්‍ර රෝග, මුඛ රෝග සාදයි.

තුලා

අන් අයගේ අවශ්‍යතා මත ක්‍රියාකිරීමට සිදුවන අතර මිල මුදල් ද බලාපොරොත්තු රහිතව වැය වෙයි. ආගමික වතාවත්, උත්සව වැනි දේ යෙදෙයි. ප්‍රීතිසාද වැනි දේවල යෙදෙන අතර වැයපස ඉහළ යන දිනකි. පෙණහලු ආසාදන රෝග සාදයි.

වෘශ්චික

සැහැල්ලු මනසින් දවස ගෙවයි. තම ඥාති මිත්‍රාදීන් ඒකරාශීව ක්‍රියාකරයි. ඔවුන් වෙනුවෙන් මිල මුදල් ද තරමක් වැය කිරීමට සිදුවෙයි. ආගමික වතාවත් පුද පූජාවන්ට ගරුකර දවස ගෙවයි. ස්නායු රෝග, හන්දි රෝග මතු කරයි.

ධනු

ශුභවාදී ඵල දෙයි. තරමක් සුහදතා වර්ධන ක්‍රියාවන්හි යෙදේ. රැකියාවන්හි ප්‍රබෝධයෙන් යෙදේ. තම ව්‍යාපාරවල ද පැහැදිලි දියුණුවකට හේතුයි. යටපත්ව තිබූ රෝග නැවත මතු කරයි.

මකර

ශුභාශුභ ඵල දෙයි. තරමක් අලසව ක්‍රියාකරයි. තමන් ගැන කලකිරීම් මතුවෙයි. අතමිට තරමක් හිඟ වෙයි. ඇසුරු කරන්නන්ගෙන් උදව් උපකාර වැනි දේ ලබයි. වාතාධික රෝග පැන නගියි.

කුම්භ

ශුභාශුභ මිශ්‍රඵල දෙයි. රාජකාරිවල ප්‍රබෝධමත්ව යෙදේ. සමාජ සත්කාරක ක්‍රියාවන්හි යෙදේ. තම ඥාතීන්ගේ ද අවශ්‍යතා මත දවස ක්‍රියාකරයි. අමතර ලාභ ලැබේ. සෙම් ආසාදන රෝග මතු වේ.

මීන

ශුභවාදී ඵල මතුවෙයි. තම අරමුණු තරමක් ජයගනී. කලක් මනසට වද දුන් ප්‍රශ්න නිරාකරණය වෙයි. ඥාති සබඳතා වර්ධනය වෙයි. අමතර ලාභ ද ලබයි. උදරාබාධ, බඩවැල් රෝග මතුවෙයි.