දවසේ ලග්න පලාපල – 2023 ජූලි මස 19 වන බදාදා

මේෂ

ක්‍රියාකාරකම් බහුලයි. අවිවේකී බව මත අතපසුවීම්වලට හේතුයි. අන් අයගේ විවේචනයට හේතු කරුණු යෙදේ. ඉවසීමෙන් තීන්දු තීරණවල යෙදිය යුතුය. තම ආර්ථිකයේ වර්ධනයට හේතු ගෙනදෙයි. සිරසගත රෝගද මතු කරයි.

වෘෂභ

ගමන් බිමන්වලදී ප්‍රවේශම මැනවි. ඇසුරු කරන්නන් නිසා සිත් චංචල කරවන ප්‍රශ්න මතුවේ. ඉඩකඩම් පිළිබඳ ආරවුලක් යහපත් ලෙස විසඳේ. භූමි වස්තු ලාභ ගෙනදෙයි. තෘප්තිමත් දිනකි. සෙම් කෝප රෝග, ඌෂ්ණ රෝග මතු කරයි.

මිථුන

දුරදිග බලා ක්‍රියාකළයුතු දිනකි. තම ක්‍රියාකාරකම් විවේචනයට ලක්වෙයි. කලකිරීම් ඇතිකරවන ප්‍රශ්න දෙන බැවින් සෘජුගුණයෙන් පිහිටා ක්‍රියාකළ යුතුය. යටපත්ව තිබූ සතුරු බලපෑම්ද ඉස්මතු වීමට ඉඩ තිබේ. ඉදිමුම් රෝග, ආම වාත රෝග මතු කරයි.

කටක

ක්‍රියාශීලී දිනකි. සතුරු බලපෑම් යටකරගෙන ඉදිරියට යාමේ ශක්තිය ඇති කරවයි. ප්‍රීති සාද උත්සව වැනි දේවලට හේතුයි. මහජන ප්‍රසාදයට පත්වෙයි. දුරස්ථව සිටි ඥාති මිත්‍රාදීන් සමීප කරවන ප්‍රශ්න මතුවේ. බඩවැල් රෝග අර්ශස් රෝග මතු කරයි.

සිංහ

ශුභාශුභ මිශ්‍රඵල මතු කරයි. ව්‍යාපාරික ස්ථාන වල බාධා මතු කරයි. සතුරු බලපෑම් මත මනසට අවිවේකය මතු කරයි. නව නිපැයුම් ඇරඹීමට ශුභයි. හදිසි ලාභ ලැබීම් වලට හේතුයි. සිරසගත රෝග සාදයි.

කන්‍යා

ශුභවාදී ඵල මතුකරන අතර ප්‍රීති උත්සව සුහදතා වර්ධන ක්‍රියා ආදිය යෙදේ. පොදු ජන සේවා කටයුතු ප්‍රචාරක කටයුතු ආදියෙහි යෙදෙන අතර හා අත්හදාබැලීම්වලට හේතුයි. සෙම් රෝග සාදයි.

තුලා

ශුභවාදී ඵල මතු කරයි. දුරගමන් යෙදේ. තම ඥාතීන් අතර ප්‍රධාන වෙයි. සුහදතා වර්ධන ක්‍රියාවන්හි යෙදේ. ප්‍රබෝධමත්ව රැකී රක්‍ෂාවල යෙදේ. හදිසි ලාභ ලබයි. ආමාශගත රෝග සාදයි.

වෘශ්චික

ශුභාශුභ මිශ්‍රඵල මතුකරයි. දුරදිග නොබලා ක්‍රියාකිරීමෙන් තරමක් අවාසි සිදුකරගනී. සුහද හමුවීම් සම්මුඛ සාකච්ඡා ආදියට හේතුයි. කලබලකාරී දිනකි. නවක මිතුදම් ඇතිවෙයි. පාදවල ආබාධ මතු කරවයි.

ධනු

තම අභිමතයට වැඩකිරීමෙන් සතුරු බලපෑම් වර්ධනය වෙයි. සිත් කලකිරීම් ඇතිකරවන ක්‍රියාවන්හි යෙදේ. වෙහෙසව ක්‍රියාකිරීමට සිදුවෙයි. තම වෙළෙඳ ව්‍යාපාර වල තරමක අවාසි ගෙනදෙයි. සිරසගත රෝගද දෙයි.

මකර

ගමන් බිමන් අධික වන අතර වැයපසද නොසිතූ ලෙස ඇතිවෙයි. ප්‍රේම සබඳතා වලට බාධා එල්ල වෙයි. ඇසුරු කරන්නන් සමඟ කතාවේදී ප්‍රවේශම් වීම් මැනවි. අමතර ලාභ ලැබීම් ඇතිවෙයි. සෙම් කෝප රෝග දෙයි.

කුම්භ

රාජකාරිවලදී කැපී පෙනෙයි. අමතර වැයවීම් මත ණයතුරුස්වලට හේතු බැවින් බුද්ධිමත් වීම මැනවි. වාදවිවාදවීම් ශුභවාදී නොවේ. දහමට ලැදිව ක්‍රියාකරයි. හදිසි ධන වාසනා ලබයි. ආමාශගත රෝග මතු කරයි.

මීන

වෙළෙඳ ව්‍යාපාර වලින් තරමක් ජය අත්වෙයි. තම ශක්තියෙන් කරන ක්‍රියාවන් ජයවෙයි. රාජකාරි ස්ථාන වල කැපී පෙනෙයි. දහමට ලැදිව ක්‍රියාකරයි. බලාපොරොත්තු රහිත ලෙස වැයවෙයි. සන්ධි රෝග ඉදිමුම් රෝග මතු වේ.