හොලිවුඩ් නළු කාර්ල් වෙදර්ස් ජීවිතක්ෂයට

ජනප්‍රිය හොලිවුඩ් නළු කාර්ල් වෙදර්ස් ජීවිතක්ෂයට පත්ව තිබෙනවා. ජීවිතක්ෂයට පත්වන විට ඔහු 76 වන වියේ පසු වුණා.

කාර්ල් වෙදර්ස් පසුගිය බ්‍රහස්පතින්දා ඔහුගේ නිවසේ දී මිය ගිය බවයි ඔහුගේ කළමනාකරු මැට් ලුබර් පැවසුවේ.

මරණයට හේතුවක් සොයා ගැනීමට තවමත් නොහැකි වී ඇති අතර, “කාල් අසාමාන්‍ය ජීවිතයක් ගත කළ සුවිශේෂී මිනිසෙක්” යැයි ඔහුගේ පවුලේ අය විදෙස් මධ්‍ය හමුවේ පවසා තිබුණා.

1987 වසරේ දී ආර්නෝල්ඩ් ෂ්වාස්නෙගර් සමඟින් ප්‍රෙඩේටර් චිත්‍රපටයට රංගනයෙන් දායක වූ කාර්ල් වෙදර්ස්, මෑතක දී කුඩා තිරයේ ‘ස්ටාර් වෝර්ස්’ කතා මාලාවට ද රංගනයෙන් දායක වුණා.