අත්‍යවශ්‍ය භාණ්ඩ කිහිපයක තොග සහ සිල්ලර මිල නිවේදනය කෙරේ

අත්‍යවශ්‍ය භාණ්ඩ කිහිපයක තොග සහ සිල්ලර මිල ගණන් පිළිබඳ දැනුම්දෙමින් පාරිභෝගික කටයුතු පිළිබඳ අධිකාරිය විසින් නිවේදනයක් නිකුත් කර තිබේ.

ඒ අනුව, වියළි මිරිස් කිලෝවක තොග මිල රුපියල් 900ක් ලෙසයි දක්වා ඇත්තේ.

එහි සිල්ලර මිල රුපියල් 1100 – 1300ත් අතර වේ.

සුදු සීනි කිලෝවක තොග මිල රුපියල් 265ක්.

එහි සිල්ලර මිල රුපියල් 290 – 310ත් අතර වේ.

හාල් මැස්සන් (ආනයනික) කිලෝවක තොග මිල දක්වා ඇත්තේ රුපියල් 1000ක් ලෙසයි.

එහි සිල්ලර මිල රුපියල් 1100 – 1500ත් අතර වේ.

ලොකු ළුෑණු (ආනයනික) කිලෝවක තොග මිල රුපියල් 400 ක් ලෙසත් සිල්ලර මිල රුපියල් 450 – 570 ත් ලෙස සඳහන් කර තිබේ.

අල (ආනයනික) කිලෝවක තොග මිල රුපියල් 145ක්.

සිල්ලර මිල දැක්වෙන්නේ රුපියල් 180 – 210ත් ලෙසයි.

මයිසූර් පරිප්පු කිලෝවක් රුපියල් 290කටත් සිල්ලර මිල 300 – 360ක මිලකටත් අලෙවි විය යුතුයි.

මෙම නිවේදනය පාරිභෝගික කටයුතු පිළිබඳ අධිකාරියේ සභාපති ශාන්ත නිරිඇල්ල මහතාගේ අත්සනින් යුතුව නිකුත් කර තිබේ.