කොත්තු සහ ෆ්‍රයිඩ් රයිස් මිල පහළට
ගෑස් මිල අඩු කිරීමත් සමග ආහාර වර්ග කිහිපයක මිල පහළ දැමීමට සමස්ත ලංකා ආපනශාලා හිමියන්ගේ සංගමය තීරණය කර තිබේ.
ඒ අනුව, කොත්තු සහ ෆ්‍රයිඩ් රයිස් එකක මිල රුපියල් 20කින් අඩුකළ බවයි, එම සංගමයේ සභාපති, හර්ශන රුක්ෂාන් මහතා සඳහන් කළේ.
එමෙන්ම කෙටි ආහාරවල (ෂෝර්ටීස්) මිල ගණන් ද රුපියල් 10කින් අඩු කර තිබේ.
ආහාර ද්‍රව්‍යවල මිල ගණන් අඩු කළත් ප්ලේන් ටී සහ කිරි තේ මිල ගණන් වෙනස් කර නොමැති බව ද එම සංගමය සඳහන් කළේය.