විජයදාසට, කිර්තිට සහ ශ්‍රීලනිප දේශපාලන මණ්ඩලයට බාධා නොකරන්නැයි අධිකරණ නියෝගයක්
ශ්‍රී ලංකා නිදහස් පක්ෂයේ අභිනව සභාපතිවරයා ලෙස විජයදාස රාජපක්ෂ මහතා ඊයේ (12) පත් කර ගැනීමට සහ විධායක සභාව විසින් ගත් තීරණවලට එරෙහිව කිසිදු නීතිමය පියවරක් ගැනීම වළක්වාලමින් වාරණ නියෝගයක් නිකුත් කිරීමට කඩුවෙල දිසා විනිසුරු දුලානි වික්‍රමසූරිය මහත්මිය විසින් අද (13) දින නියෝග කලාය.
ශ්‍රි ලංකා නිදහස් පක්ෂයේ අදාල එම තීරණ මත පක්ෂයේ සභාපති විජයදාස රාජපක්ෂ වැඩ බලන ලේකම් කීර්ති උඩවත්ත සහ දේශපාලන මණ්ඩලයට අදාල කටයුතු බාධාවකින් තොරව කරගෙන යාමට අවස්ථාව ලබා දෙන ලෙසත් මෙම නඩු කටයුත්ත හැර වෙනත් කිසිදු නෛතික ක්‍රියාමාර්ගයක් නොගන්නා ලෙස සියලුම ශ්‍රී ලංකා නිදහස් පක්ෂ පාක්ෂිකයන් වෙත මෙම වාරණ නියෝගය නිකුත් කර ඇත.
ජනාධිපති නීතිඥ ඉක්‍රම් මොහොමඩ් මහතා ඇතුළු නීතිඥ කණ්ඩායමක් මෙම වාරණ නියෝගය ඉල්ලා මෙම නඩුව ගොනු කර තිබුණි.
මේ සම්බන්ධයෙන් වැඩිදුර විභාගය මැයි මස 27 දින පැවැත් වේ.