ගණේමුල්ල සංජීව ඝාතන සිද්ධියට අදාළ නඩුව අද විභාගයට
ගණේමුල්ල සංජීව ඝාතන සිද්ධියට අදාළව රක්ෂිත බන්ධනාගාරගත කර සිටින සැකකරුවන් 9 දෙනා සම්බන්ධ නඩුව ස්කයිප් තාක්ෂණය ඔස්සේ අද (07) දින කැඳවීමට නියමිතව තිබේ.
මීට අදාළ නියෝගය කොළඹ ප්‍රධාන මහෙස්ත්‍රාත් තනූජා ලක්මාලි මහත්මිය විසින් එම අධිකරණයේ ලේඛකාධිකාරීවරිය වෙත නිකුත් කර ඇත.
ඒ අනුව, ඊට අවශ්‍ය කටයුතු සූදානම් කරන ලෙස අධිකරණයේ ලේඛකාධිකාරිවරිය විසින් බන්ධනාගාර නිලධාරීන්ටද දැනුම්දී තිබේ.
බන්ධනාගාරගත කර සිටින අදාළ සැකකරුවන් අධිකරණය වෙත රැගෙන ඒමේදී මතුවිය හැකි අනාරක්ෂිත තත්ත්වය සැලකිල්ලට ගනිමින් මහෙස්ත්‍රාත්වරිය එම දැනුම්දීම සිදුකර තිබෙන බවයි වාර්තා වන්නේ.
මේ වන විට මෙම ඝාතන සිද්ධිය සම්බන්ධයෙන් සැකකරුවන් දොළොස් දෙනෙකු අත්අඩංගුවට ගෙන ඇති අතර ඉන් දස දෙනෙකු රක්ෂිත බන්ධනාගාර ගත කර සිටී.
