මෛත්‍රීගේ සොහොයුරෙකුගේ නිවසින් කෝටියක මුද්දක් හා මුදල් හොරකම් කරලා
හිටපු ජනාධිපති මෛත්‍රීපාල සිරිසේනගේ සොයුරෙක් වූ කපිල ගාමිණී සිරිසේන සතු ව තිබූ මැණික් ගලක් එබ්බවූ රුපියල් කෝටියක් වටිනා මුද්දක්, ඩොලර් පන්දහසක් සහ රුපියල් ලක්ෂයක මුදලක් සිය නිවසේ වැඩ කළ සේවකයෙක් විසින් සොරාගෙන පලා ගොස් ඇතැයි පොලොන්නරුව පොලිසියට පැමිණිල්ලක් කර තිබේ.
දින කීපයකට පෙර සිදුවූ බව කියන මෙම සොරකම සම්බන්ධව කපිල ගාමිණී සිරිසේන ඊයේ (28) පොලොන්නරුව පොලිස් ස්ථානය වෙත පැමිණිල්ලක් සිදු කර තිබේ.
ඔහු පොලිසියට පැමිණිලි කර ඇත්තේ තමන් ලඟ සේවය කරමින් සිටි බෙලිඅත්ත ගැටමාන්න ප්‍රදේශයේ සේවකයෙක් මෙම සොරකම සිදුකර ඇති බවය.
කපිල ගාමිණී සිරිසේන යනු චමින්ද නමින් ප්‍රකට මහා පරිමාණ ගල් කොරි කීපයක් හිමි ව්‍යාපාරිකයෙකි.