දවසේ ලග්න පලාපල – 2023 සැප්තැම්බර් මස 12 වන අඟහරුවාදා

මේෂ

ක්‍රියාශීලී දිනකි. ශුභවාදී වූ ඵල ගෙන දෙයි. සතුරු බලපෑම් ඉවත් වෙයි. දුර ගමන් යෙදේ. හදිසි බාධා ගෙන දෙයි. තැන්පත් ධනය වර්ධනයට හේතු ගෙන දෙයි. ප්‍රබෝධමත් දිනකි. සෙම් කෝප රෝග සාදයි.

වෘෂභ

ශුභාශුභ මිශ්‍ර ඵල ගෙන දෙයි. දුර ගමන් යෙදේ. තමන් සිතනවාට වඩා වැයපස ඉහළ යයි. මිතුරු වෙසින් සිටි සතුරන් ඈත් වන ක්‍රියා යෙදේ. ව්‍යාපාරවල පැහැදිලි දියුණුවක් පෙන්වයි. සන්ධි ප්‍රදාහ රෝග මතු කරයි.

මිථුන

ක්‍රියාකාරකම් බහුල වෙයි. තරමක් සුළුවෙන් හෝ ගමන් බිමන් යෙදේ. හදිසි තීරණ මත ක්‍රියා කිරීම ශුභවාදී නොවේ. බලාපොරොත්තු නොවන වියදමක් සිදු කිරීමට සිදුවෙයි. දුරදිග බලා ක්‍රියා කිරීම මැනවි. මුත්‍රා රෝග, උෂ්ණ රෝග සාදයි.

කටක

උනන්දුවෙන් රාජකාරිවල යෙදේ. ඇසුරු කරන්නන් අතර ප්‍රසාදය දිනයි. වගකීම් බහුල වන දිනකි. තම පවුලේ අය වෙනුවෙන් තරමක් වියදම් දැරීමට සිදුවෙයි. හදිසි ධනලාභ ද මතුකරයි. සිරසගත රෝග මතු කරයි.

සිංහ

වෙහෙසව ක්‍රියා කිරීමට සිදුවන දිනකි. තරමක් ආවේගශීලී ගති මතු කරයි. කෙටි ගමන් බිමන් ද යෙදේ. වැයපස ද නොහිතන තරමට වැඩි වෙයි. හදිසි ලාභ ද ලබයි. සන්ධිගත රෝග ද මතු කරයි.

කන්‍යා

ශුභවාදී ඵල මතු කරන අතර තම අරමුණ තරමක් දුරට ජය ගනී. තම ඥාති මිත්‍රාදීන්ගෙන් උදව් උපකාර ද ලබයි. තම සුපුරුදු ක්‍රියාවන්හි ප්‍රබෝධයෙන් ක්‍රියාවේ යෙදේ. සෙම් කෝප රෝග ද මතු වේ.

තුලා

ශුභාශුභ ඵල මතු කරයි. ගමන් බිමන් යෙදෙන නමුත් ප්‍රවේශම මැනවි. තම ඥාතීන්ගේ අවශ්‍යතා මත ක්‍රියා කිරීමට සිදුවෙයි. සුහදතා වර්ධන ක්‍රියාවන්වලට යොමුවෙයි. උදරාබාධ මූලවාත රෝග මතු වේ.

වෘශ්චික

ශුභාශුභ ඵල දෙයි. තරමක් ක්‍රියාශීලීව කටයුතුවල යෙදේ. ව්‍යාපාරවල දියුණුවක් පෙනේ. සතුරු බලපෑම් දමනය වෙයි. සමාජ සත්කාරවල යෙදේ. වැයපස ඉහළ යයි. සිරසගත රෝග මතු වේ.

ධනු

ශුභවාදී ඵල දෙයි. තරමක් සුහදතා වර්ධන ක්‍රියාවන්හි යෙදේ. රැකියාවන්හි ප්‍රබෝධයෙන් යෙදේ. තම ව්‍යාපාරවල ද පැහැදිලි දියුණුවකට හේතුයි. යටපත්ව තිබූ රෝග නැවත මතු කරයි.

මකර

ශුභා ශුභ ඵලදෙයි. තරමක් අලසව ක්‍රියා කරයි. තමන් ගැන කලකිරීම් මතුවෙයි. අතමිට තරමක් හිඟ වෙයි. ඇසුරු කරන්නන්ගෙන් උදව් උපකාර වැනි දේ ලබයි. වාතාධික රෝග පැන නැගේ.

කුම්භ

ශුභාශුභ මිශ්‍ර ඵල දෙයි. රාජකාරිවල ප්‍රබෝධමත්ව යෙදේ. සමාජ සත්කාරක ක්‍රියාවන්හි යෙදේ. තම ඥාතීන්ගේ ද අවශ්‍යතා මත දවස ක්‍රියාකරයි. අමතර ලාභ ලැබේ. සෙම් ආසාදන රෝග මතු වේ.

මීන

ශුභවාදී ඵල මතු වෙයි. තම අරමුණු තරමක් ජය ගනී. කලක් මනසට වධ දුන් ප්‍රශ්න නිරාකරණය වෙයි. ඥාති සබඳතාා වර්ධනය වෙයි. අලුත් ලාභ ද ලබයි. උදරාබාධ බඩවැල් රෝග මතු වෙයි.