දවසේ ලග්න පලාපල – 2023 ඔක්තෝබර් මස 19 වන බ්‍රහස්පතින්දා

මේෂ

ශුභාශුභ මිශ්‍ර ඵල ගෙනදෙයි. ක්‍රියාකාරකම් බහුල දිනකි. ගමන් බිමන් ද යෙදේ. තනතුරු ලාභ වගකීම් ලබන දිනකි. පොදු සේවා ක්‍රියාකාරකම් බහුල වෙයි. අමතර ලාභ ද ලබයි. ඌෂ්ණ රෝග, කාය ස්වාය මතුකරයි.

වෘෂභ

රදිග බලා ක්‍රියාකළ යුතු දිනකි. තම ඇසුරුකරන්නන් නිසා අමාරුවේ වැටෙන්නට ඉඩ තිබේ. බුද්ධිමත්ව දවසේ ක්‍රියාකාරකම්වල යෙදිය යුතුය. ගනුදෙනුවලදී ද ප්‍රවේසම මැනවි. සන්ධි ප්‍රදාහ රෝග මතුකරයි.

මිථුන

රාජකාරි බහුල වෙයි. ලිපි ලේඛන, රචනා ආදියෙන් ජය දෙයි. අන් අයගේ අඩුපාඩු සඳහා උදව් දෙන අතර වියපැහැදම් ද අධික වෙයි. ආගමික වතාවත් ගරුකරයි. සෙම්කෝප රෝග මතුකරයි.

කටක

ක්‍රියාකාරකම් බහුලයි. පොදු සේවා කටයුතු, ආගමික කටයුතු ආදියෙහි යෙදේ. තම ඥාතීන්ගේ අවශ්‍යතා මත වියපැහැදම් අධික වෙයි. තරමක් විනෝදකාමී ලෙස දවස ගෙවයි. සිරසගත රෝග ද මතුකරයි.

සිංහ

සාමාන්‍ය ලෙසින් දවස ගෙවේ. සුපුරුදු රාජකාරිවල යෙදෙන අතර සුළුවෙන් හෝ සුහදතා වර්ධන ක්‍රියාවන්හි යෙදේ. වැයපස තරමක් ඉහළ යන දිනකි. ලේ දූෂිත රෝග මතුකරයි. නිවසේ උත්සවශ්‍රියාවක් ගෙනදෙයි.

කන්‍යා

තරමක් වෙහෙසව ක්‍රියාකරන දිනකි. අතරමග නතර කළ කටයුතු ඉදිරියට කරගෙන යන අතර තම ආර්ථික වර්ධන ක්‍රියා සඳහා යොමුවෙයි. සෙම්කෝප රෝග මතුකරයි. ප්‍රීති සාද, උත්සව වැනි දේට හේතුයි.

තුලා

ශුභාශුභ ඵල මතුකරයි. ගමන් බිමන්වල යෙදෙන අතර නිශ්ඵල ගමන් ද යෙදේ. යටපත්ව තිබූ සතුරු බලපෑම් ඉස්මතු කරයි. වැයපස ද ඉහළ යයි. සුළුවෙන් හෝ ශල්‍යකර්ම වැනි දේට හේතුයි. දහමට ද ලැදිව ක්‍රියා කරයි.

වෘශ්චික

තරමක් අවිවේකී බව මතුවෙයි. රාජකාරිවල යෙදෙන අතර සුළුවෙන් හෝ ගමන් බිමන් ද යෙදේ. බලාපොරොත්තු රහිත ලෙස මිල මුදල් වැයවන දිනකි. සෙම් රෝග, ඌෂ්ණ රෝග මතුකරයි. දහමට ළැදිව ක්‍රියාවේ යෙදෙන දිනකි.

ධනු

සුපුරුදු ක්‍රියාකාරකම්, රාජකාරි ආදියෙහි යෙදෙන අතර දුරදිග බලා ක්‍රියාකළ යුතු දිනකි. යටපත්ව තිබූ සතුරු බලපෑම් ඉස්මතු වීමට ඉඩ තිබේ. මුත්‍රා ආසාදනවලට හේතුයි. දහමට ලැදිව ක්‍රියාකරයි.

මකර

ශුභාශුභ මිශ්‍ර ඵල යෙදේ. තරමක් වෙහෙසව ක්‍රියා කිරීමට සිදුවන අතර මිල මුදල් ද වැයවන කරුණු යෙදේ. බුද්ධිමත්ව දවසේ ක්‍රියා කළ යුතුයි. ඌෂ්ණ රෝග, සෙම් රෝග මතුකරයි. විනෝදජනක ක්‍රියාවන්වල යෙදේ.

කුම්භ

සුළුවෙන් නමුත් ගමන් බිමන්වල යෙදීමෙන් වැයපස ඉහළ යන දිනකි. තම ඥාති මිත්‍රාදීන් එක්ව සුළුවෙන් හෝ ප්‍රීති සාද වැනි දේට සහභාගි වෙයි. ස්නායුගත රෝග, මස්පිඬුවල පීඩා මතුකරයි. ආගමික වතාවත් ගරුකරන දිනකි.

මීන

ශුභාශුභ ඵල ගෙනදෙයි. ගමන් බිමන් ද හදිසියේ යෙදෙන අතර බලාපොරොත්තු රහිත වියපැහැදම් ඇතිවන දිනකි. හදිසි ලාභ ලැබීම් ද යෙදේ. ලේ දූෂිත රෝග මතුකරවන දිනකි. ප්‍රීති සාද වැනි දේවල් යෙදේ.