web hit counter
කරාපිටිය රෝහලේ විශේෂඥ වෛද්‍යවරයෙක් අත්අඩංගුවට

කරාපිටිය රෝහලේ විශේෂඥ වෛද්‍යවරයෙක් අත්අඩංගුවට

රෝහල් සුළු සේවිකාවකට පහරදීම සම්බන්ධයෙන් චෝදනා ලබා සිටින කරාපිටිය රෝහලේ විශේෂඥ වෛද්‍යවරයෙක් අද (18) අත්අඩංගුවට ගත් බව ගාල්ල පොලිසිය පවසයි.

කෙසේ වෙතත් මෙම වෛද්‍යවරයා යම්කිසි රෝගී තත්ත්වයක් හේතුවෙන් කරාපිටිය පෞද්ගලික රෝහලකට ඇතුලත්ව ඇති හෙයින් දැනට පොලිස් ආරක්ෂාව යටතේ ඔහු පසුවන බව පොලිසිය කියයි.

මෙම කරුණු සම්බන්ධයෙන් අදාල සේවකයන් සහ කරාපිටිය රෝහල් අධ්‍යක්ෂවරයා අතර සාකච්ඡාවක් අද (18) උදෑසන පැවති අතර රෝහල් අධ්‍යක්ෂකවරයා මෙහිදී සේවක සේවිකාවන්ට පවසා සිටියේ අදාළ වෛද්‍යවරයා අත්අඩංගුවට ගෙන ඇති බැවින් දැනට ඔවුන් ගෙන ඇති වෘත්තීය ක්‍රියාමාර්ගය අත්හරින ලෙසයි.

පෙරේදා (16) පැවැත් වූ වැඩ වර්ජනයට පිළිකා වාට්ටුවේ සේවකයින් එක් නොවන බව කියා සිටියත් ඔවුන් වැඩ වර්ජනයට එක්වීම සම්බන්ධයෙන් වෛද්‍යවරයා සහ සේවක පිරිස අතර ඇති වු ආරවුලක් හේතුවෙන් මෙම පහර දීම සිදුව ඇති බවයි වාර්තා වන්නේ.

කෙසේ වෙතත් සේවක සේවිකාවන් පවසන්නේ සෞඛ්‍ය අමාත්‍යාංශයේ ඉහළ නිලධාරීන් පැමිණ පරීක්ෂණයක් ආරම්භ කරන තුරු මෙම වෘත්තිය ක්‍රියාමාර්ගයත් නොහරින බවයි.

Share This

COMMENTS

Wordpress (0)
Disqus (0 )