අත්අඩංගුවට ගත් හෙරොයින් ටොන් 3ක් විනාශ කරන්න ක්‍රමයක් නැතුව ගොඩ ගැහිලා
පසුගිය අවුරුදු 3ක කාලය ඇතුළත පොලිසිය විසින් අත්අඩංගුවට ගනු ලැබූ හෙරොයින් ටොන් 3කට ආසන්න ප්‍රමාණයක් අධිකරණ සහ රස පරීක්ෂණ දෙපාර්තමේන්තුව තුළ ගොඩගැසී ඇති බව අනාවරණය වී තිබේ.
මෙසේ අත්අඩංගුවට ගන්නා කුඩු තොග සෙල්ෂියස් අංශක 1000ක උෂ්ණත්වය යටතේ පිලිස්සීම සිදුකළ යුතුව ඇතත් ඒ සදහා ස්ථානයක් නොමැති වීම හේතුවෙන් කුඩු තොග එක්රැස්ව පවතින බව ආරක්ෂක ලේකම් කමල් ගුණරත්න මහතා ජාතික ආරක්ෂාව පිළිබද ආංශික අධීක්ෂණ කමිටුවේදී සදහන් කොට තිබිණ.
එමෙන්ම මෙම කුඩු තොග ගැඹුරු මුහුදේ ගිල්වා දැමීමට හැකි නමුත් ඊට පරිසරවේදීන් විරෝධය පළ කොට ඇති බවද ඒ මහතා පෙන්වා දුන්නේය.
ඒ අනුව 2020 වසරේ සිට ඇල්ලූ කුඩු තොග තවමත් එලෙසම පවතින බවද ඒ මහතා එහිදී පෙන්වා දී තිබේ.