මියගිය සැමියාගේ සිරුර දින තුනක් නිවසේ තියාගෙන සිටිය බිරිඳක්
මියගිය සැමියාගේ මළසිරුර දින තුනක් පමණ නිවස තුල තබාගෙන සුරතලයට ඇතිකරන සුනඛයා සමග සිටි කාන්තාවක දොරවල් කඩා ඉවතට ගත්බව පානදුර දකුණ පොලිසිය පවසයි.
පානදුර ඇටඹගොඩවත්ත ජනජය නිවාස සංකීර්ණයේ අඹුසැමි යුවලක් පමණක් පදිංචිව සිටින නිවසකින් අධික දුගඳක් හමන බවට ඊයේ (25) රාත්‍රි පානදුර දකුණ පොලිසියට ලද තොරතුරක් මත පොලිස් නිළධාරින් පිරිසක් එහි ගොස් තිබේ.
පොලිස් කණ්ඩායම් එහි යනවිට මියගොස් ඇති පුද්ගලයාගේ බිරිද නිවසේ දොරගුලු වසාගෙන සිට ඇති බවත් ඒවා කඩා නිවසට ඇතුළුවී පරීක්ෂා කිරීමේදී ඇදක් මත මුනින් අතට තිබූ මළසිරුර සොයාගත් බවත් පොලිසිය පැවසීය.
පානදුර ඇටඹගොඩවත්ත, ජනජය නිවාස සංකීර්ණයේ පදිංචිව සිටී අත්තනායක මුදියන්සේලාගේ ජගත් බණ්ඩාර නමැති (52) හැවිරිදි පුද්ගලයකු මෙලෙස මියගොස් ඇති බව පොලිසිය කීය.
මියගොස් ඇති පුද්ගලයා ගේ බිරිඳ කිසියම් මානසික රෝග තත්ත්වයකින් පෙලෙන බවට සැක පලකරන බව උසස් පොලිස් නිළධාරීයෙක් පැවසීය.
පානදුර කොට්ඨාස අපරාධ ස්ථාන පරීක්ෂණාගාර නිළධාරීන්ද එදින රාත්‍රියේම පරීක්ෂණ සිදු කල අතර මෘතදේහය පශ්චාත් මරණ පරීක්ෂණය සදහා පානදුර මූලික රෝහලට රැගෙන යනු ලැබීය.
ජේෂ්ඨ පොලිස් අධිකාරී සමන්ත වෙදගේ ,සහකාර පොලිස් පරීක්ෂක නිශාන්ත සේනාරත්න යන මහත්වරුන්ගේ උපදෙස් පරිදි මූලස්ථාන පොලිස් පරීක්ෂක උපුල් ප්‍රියංකර මහතාගේ ප්‍රධානත්වයෙන් පරීක්ෂණ පවත්වති.
