“මුතු රාජා” රැගත් ගුවන් යානය තායිලන්තයට

ශ්‍රී ලංකාවෙන් තායිලන්තය වෙත රැගෙන ගිය “මුතු රාජා” හෙවත් “සක්සුරින්” ඇතා රැගත් ගුවන් යානය ශ්‍රී ලංකා වේලාවෙන් අද (02) දහවල් 12.33 ට තායිලන්තයේ “චියෑන් මායි” (Chiang Mai) ගුවන් තොටුපොළ වෙත ගොඩ බස්වා තිබේ.

ඒ, පැය පහක පමණ ගුවන් ගමනකින් පසුවයි.

මෙම ඇතා රැගත් රුසියානු ඒවියාකොන් සිටොට්‍රාන්ස් ගුවන් සේවයේ (Aviacon Zitotrans) ඒ.ඉසෙඩ්.එස්.- 5701 දරණ ගුවන් යානය අද උදෑසන 07.30 ට කටුනායක ගුවන් තොටුපොළෙන් තායිලන්තයේ චියෑන් මායි ගුවන් තොටුපොළ බලා පිටත් විය.