දියළුම දියඇල්ල අසල කඳවුරු බැඳ සිටි යුවළකට වන අලි ප්‍රහාරයක් – තරුණියක් මරුට
කොස්ලන්ද උඩ දියළුම දියඇල්ල අසල කඳවුරු බැඳගෙන සිටි යුවළකට අද (12) අලුයම එල්ල වූ වන අලි ප්‍රහාරයකින් තරුණිය එම ස්ථානයේදීම ජීවිතක්ෂයට පත්වී තරුණයා බරපතල තුවාල ලබා රෝහල් ගත කර ඇතැයි කොස්ලන්ද පොලීසිය පවසයි.
මෙසේ ජීවිතක්ෂයට පත්වී ඇත්තේ මාතර කැකුණදොර පදිංචි වී සිටි ජී තරූෂි නමැති 23 හැවිරිදි තරුණියකි.
තුවාල ලබා ඇත්තේ වාරියපොල පදිංචි කේ. ඒ ධනුෂ්ක නමැති 22 හැවිරිදි තරුණයෙකි.
ඔවුන් කොස්ලන්ද උඩ දියලුම සංචාරයක පැමිණ රාත්‍රී කාලයේ කදවුරු බැඳගෙන සිටි බව පොලීසිය කියයි.
තරුණියට පහර දුන් වන අලියා එම ස්ථානයේම ගැවසෙමින් සිට ඇති අතර ඒ පිරිස සමඟ පැමිණි සියලු දෙනා පලවා හැර ඇති බවද පොලිසිය කියයි.
පසුව මහත් පරිශ්‍රමයක් දරා පොලිසිය ප්‍රදේශවාසීන් සමඟ එක්ව අලියා පලවා හැර තිබේ.
කොස්ලන්ද පොලීසිය පරීක්ෂණ පවත්වයි.
