ZD ඇළේ මළ සිරුරක්
අරලගංවිල පොලිස් වසමේ ZD ඇළේ පිඹුරත්තෑව ප්‍රදේශයේදී මියගිය පුද්ගලයෙකුගේ සිරුරක් හමුවී තිබේ.
පොලිසිය පැවසුවේ, මියගිය පුද්ගලයා වයස අවුරුදු 50 ක් වන අළුත්මය, පිඹුරත්තෑව ප්‍රදේශයේ පදිංචිකරුවෙකු බවයි.
ඔහු ඉකුත් 15 වනදා ත්‍රිරෝද රථයෙන් නිවසින් පිටවගොස් ඇති අතර නැවත නිවසට නොපැමිණි බවට ඔහුගේ පියා විසින් පෙරේදා දින අරලගංවිල පොලිස් ස්ථානයට සිදුකරන ලද පැමිණිල්ලක් සම්බන්ධව විමර්ශන සිදු කරමින් සිටියදී, එම පුද්ගලයාගේ මෘත ශරීරය ZD ඇළේ තිබී හමුවී ඇත.
ඔහුගේ ත්‍රිරෝද රථයද සිරුර හමුවූ ස්ථානයේ සිට කිලෝමීටරයක් පමණ දුරින් එම ඇළ තුළම තිබී සොයාගෙන තිබේ.
මියගිය පුද්ගලයාගේ සිරුර පොළොන්නරුව රෝහලේ මෘතශරීරාගාරයේ තැන්පත් කර තිබෙන අතර සිදුවීම සම්බන්ධයෙන්
අරලගංවිල පොලීසිය වැඩිදුර විමර්ශන සිදු කරනු ලබයි.