අකුණුසැර පතිත වීමෙන් නිවසකට දැඩි හානි
හැටන් නොර්වුඩ් ප්‍රදේශයට ඊයේ (22) දින පස්වරුවේ ඇද හැලුනු ගිගුරුම් සහිත වැසි හේතුවෙන් ගසකට අකුණු සැර පතිත වී එම ගසේ අත්තක් වතු නිවාස පෙළක නිවසකට කඩා වැටීමෙන් එම නිවසේ වහලට දැඩි අලාභ හානි සිදු වී තිබේ.
අකුණුසැර පතිත වීමත් සමග අසළ වූ රූස්ස ගස් කීපයක් එක්වරම කඩා වැටුනු බවත්, ඉන් තම නිවෙස් වලට අලාභ හානි වූ බවත් අකුණු සැර පතිත වීමෙන් පීඩාවට පත් වූ ජනතාව කියා සිටියා.
අනතුරින් කිසිවෙකුටත් තුවාල සිදු වී නොමැති අතර, නිවසට දැඩි අලාභ හානි සිදු වී ඇත.
මේ අතර, නොර්වුඩ් පොලිස් වසමට අයත් වෙන්චර් වතුයාය හරහා (22) වර්ෂාවත් සමග හමාගිය දැඩි සුළගකින් නිවසක වහලවල් ගැලවී ගොස් තිබේ.
