ට්‍රම්ප්ගෙන් ශ්‍රී ලංකාවට සියයට 44ක ආනයන බද්දක්
ශ්‍රී ලංකාවෙන් ආනයනය කරන භාණ්ඩ සඳහා සියයට 44ක තීරු බද්දක් පැනවීමට අමෙරිකානු ජනාධිපති ඩොනල්ඩ් ට්‍රම්ප් තීරණය කර තිබේ.
අදාළ බදු පැනවීම ඊයේ (02) දිනයේ ප්‍රකාශයට පත්කර ඇති අතර 05 වනදා සිට එය ක්‍රියාත්මක කිරීමටයි, සැලසුම් කර ඇත්තේ.
මෙම නව බදු ප්‍රතිපත්තියට අනුව අමෙරිකාවට ආනයනය කරන සියලු‍ම භාණ්ඩ සඳහා 10%ක අවම තීරු බදු ක්‍රියාත්මක බවයි, ජනාධිපති ඩොනල්ඩ් ට්‍රම්ප් නිවේදනය කළේ.
ලොව පුරා රටවල් 60කට වැඩි ප්‍රමාණයක් සඳහා නව තීරු බදු ලැයිස්තුවක් මෙලෙස එළිදක්වා ඇති අතර ශ්‍රී ලංකාව ලොව වැඩිම තීරුබදු පැනවූ පළමු රටවල් පහ අතරට ඇතුළත් වීම විශේෂත්වයක්.
මෙම නව තීරු බදු පැනවීමත් සමග ශ්‍රී ලංකා ආර්ථිකයට බරපතල තර්ජනයක් එල්ල විය හැකි බවටයි, මත පළ වන්නේ.
මීට අමතරව වියට්නාමයට 46%ක තීරු බද්දකුත්, චීනයට 34%කත්, ඉන්දියාවට 26%කත් තීරු බදු පැනවීමට ට්‍රම්ප් පරිපාලනය තීරණය කර තිබේ.
යුරෝපා සංගමයට 20%කත්, තායිවානයට 32%කත්, ජපානයට 24%කත්, දකුණු කොරියාවට 25%කත්, තීරු බදු ක්‍රියාත්මකයි.
එමෙන්ම, තායිලන්තයට 36%කත්, ස්ව්ට්ටර්ලන්තයට 31%කත් සහ බ්‍රිතාන්‍ය, බ්‍රසීලය, සිංගප්පූරුව, චිලි, ඔස්ට්‍රේලියාව, තුර්කිය සහ කොළොම්බියාවට 10% බැගින්ද තීරු බදු පනවා තිබේ.
