නිදහස් උළෙලට එන තායි අගමැති හදිසියේ අසනීප වෙයි
හදිසි රෝගාබාධයක් හේතුවෙන් තායිලන්ත අග්‍රාමාත්‍ය (Srettha Thavisin) මහතාගේ ශ්‍රී ලංකා නිල සංචාරය එක් දිනකට සීමා කරන බව රජය නිවේදනය කර තිබෙනවා.
තායිලන්ත අග්‍රාමාත්‍යවරයා දෙදින නිල සංචාරයක් සඳහා ශ්‍රී ලංකාවට පැමිණීමට නියමිතව තිබුණා.
ඒ, 76 වැනි නිදහස් උළෙලේ ප්‍රධාන ආරාධිතයා ලෙස ද සහභාගී වීම සඳහායි.
කෙසේ වෙතත් ජනාධිපති රනිල් වික්‍රමසිංහ මහතාගේ ආරාධනයට ගරු කිරීමක් වශයෙන් තායිලන්ත අග්‍රාමාත්‍යවරයා පැයක පමණ කෙටි කාලයක් නිදහස් දින උත්සවයට සහභාගී වන බව ස්වදේශ කටයුතු රාජ්‍ය අමාත්‍ය අශෝක ප්‍රියන්ත මහතා පැවසීය.
