ගල්කිස්සේ වෙඩි තැබීමක් – ඥාති සහෝදරයන් දෙදෙනෙකු මරුට

ගල්කිස්ස, වටරප්පල පාර ප්‍රදේශයේදී අද (07) අලුයම 04.45 ට පමණ සිදුකල වෙඩි තැබීමකින් පුද්ගලයන් දෙදෙනෙකු ජීවිතක්ෂයට පත්ව තිබේ.

යතුරුපැදියකින් පැමිණි නාඳුනන පුද්ගලයන් දෙදෙනෙකු විසින් එම වෙඩිතැබීම සිදුකර ඇති අතර වෙඩිවැදීමෙන් මියගොස් ඇත්තේ, ගල්කිස්ස වටරප්පල ප්‍රදේශයේ පදිංචි 36 හැවිරිදි සුදත් ගෝමස්  සහ 20 හැවිරිදි චානුක විමුක්ති පීරිස් නැමැති ඥාති සහෝදරයන් දෙදෙනෙකි.

වෙඩි තැබීමෙන් එක් පුද්ගලයෙකු එම ස්ථානයේම මියගොස් තිබූ අතර අනිත් පුද්ගලයා කළු බෝවිල රෝහලට ඇතුළත් කිරීමෙන් අනතුරුව මියගොස් ඇති බව පොලිසිය පවසයි.

මියගිය පුද්ගලයන් දෙදෙනා තදින්ම මත්ද්‍රව්‍යවලට ඇබ්බැහි වූ පුද්ගලයන් දෙදෙනෙකු බව පොලිසිය පවසයි.

වෙඩි තැබීමට හේතුව මෙතෙක් අනාවරණය වී නොමැති අතර සැකකරුවන් අත්අඩංගුවට ගැනීම සඳහා ගල්කිස්ස පොලීසිය වැඩිදුර විමර්ශන පවත්වයි.