උතුරුමැද පළාත් හිටපු ප්‍රධාන අමාත්‍ය එස් එම් රංජිත්ට සහ නෑනාට වසර 16ක සිර දඬුවමක්
උතුරුමැද පළාත් හිටපු ප්‍රධාන අමාත්‍ය එස් .එම් රංජිත් මහතාට සහ පෞද්ගලික ලේකම් ලෙස කටයුතු කළ ඔහුගේ නෑනා වන ශාන්ති චන්ද්‍රෙස්නට වසර 16ක බරපතල වැඩ සහිතව සිරදඬුවමක් කොළඹ මහාධිකරණ විනිසුරු අධිත්‍ය පටබැඳිගේ මහතා අද(02) නියම කළේය.
2012 -2014 කාල වකවානුවේදී උතුරුමැද පළාත් ප්‍රධාන අමාත්‍යවරයා ලෙස කටයුතු කරමින් සිටියදී සිය පෞද්ගලික ලේකම්වරියට නීතියට පටහැනි ලෙස ඉන්ධන දීමනා ලෙස රුපියල් විසි හය ලක්ෂ අසූදහස් පන්සිය විසි අටක මුදලක් ලබා දීම ඇතුළු චෝදනා කිහිපයකට මෙම නඩුව පවරා තිබිණි.
අල්ලස් කොමිසම මගින් ගොනු කර තිබූ මෙම නඩුව දීර්ඝ විභාගයකින් පසු විත්තිකරුවන්ට එරෙහිව චෝදනා සාධාරණ සැකයකින් තොරව ඔප්පු වීමෙන් මෙම දඩුවම් නියම කෙරිණි.
