පෙම්වතාගේ නිවසේ තාප්පයට යටවී පෙම්වතිය මරුට
කළුතර, පනාපිටිය ප්‍රදේශයේ නිවසක තාප්පයකට යටවී තරුණියක් මියගොස් ඇති බව කලුතර උතුර පොලිසිය පවසයි.
අනතුරෙන් මියගොස් ඇත්තේ, වාද්දුව මොරොන්තුඩුව ප්‍රදේශයේ පදිංචිව සිටි ප්‍රසාදිනී ප්‍රියංගිකා නමැති 23 හැවිරිදි තරුණියක බව පොලිසිය කීය.
මියගොස් ඇති තරුණිය සිය පෙම්වතාගේ මිත්තණියගේ සුවදුක් බැලීමට පෙම්වතා ද සමගින් ඊයේ පස්වරුවේ කළුතර පනාපිටිය ප්‍රදේශයේ පිහිටි මිත්තණියගේ නිවසට ගොස් තිබේ.
එහිදී, පෙම්වතා නිවසේ ඇති කරන එළුවන්ට ආහාර ලබාදීම සඳහා නිවස පිටුපසට ගොස් ඇති අතර ප්‍රියංගිකා ද එම මොහොතේ නිවස පිටුපස තාප්පය අසල සිට තිබේ.
පසුව එක්වරම තාප්පයේ කොටසක් කඩාවැටී ඇති අතර ප්‍රියංගිකා ඊට යටවී තිබුණි.
නිවැසියන් කඩිනමින් ඇය ව රෝහල් ගත කළත් ඒ වනවිටත් ප්‍රියංගිකා මියගොස් සිට ඇත.
