දවසේ ලග්න පලාපල – 2024 මාර්තු මස 12 වන අඟහරුවාදා

මේෂ

ක්‍රියාශීලී දිනකි. රාජකාරි බහුල වෙයි. ඉවසීමෙන් ක්‍රියාකරයි. යටපත්ව තිබූ සතුරු බලපෑක් මතුවෙයි. අමතර ක්‍රියාකාරකම් ද සාර්ථකව ඉටුකරයි. බලාපොරොත්තු රහිතව ධනය ලබයි. සෙම් දූෂිත රෝග මතු කරයි.

වෘෂභ

උනන්දුවෙන් ක්‍රියාකරයි. සමාජ සත්කාරක ක්‍රියාකාරකම්වල යෙදේ. බලාපොරොත්තු නොවන ලෙස වැයපස ඉහළ යයි. කරුණු කාරණා යෙදේ. භූමිලාභ සම්පත් ගෙනදෙන දිනකි. සන්ධි වාතරෝග මතු කරයි.

මිථුන

ගමන් බිමන් තරමක් යෙදේ. ඇසුරින් දුරස්ථව සිටි ඥාතීන් සමීප කරවන ක්‍රියායෙදේ. යටපත්ව තිබූ ගනුදෙනුවක් ශුභවාදීව විසඳේ. අසල්වැසි සුහදතා වර්ධනය වේ. සෙම් කෝප රෝග ද මතු කරයි.

කටක

දුරදිගබලා ක්‍රියාකළයුතු දිනකි. තරමක් බාධක මතුකරයි. ඇසුරු කරන්නන් අතර ප්‍රසාදය දිනයි. රැකී රක්‍ෂාවල උනන්දුවෙන් යෙදේ. අමතර ලාභගෙන දෙන දිනකි. මනස සන්සුන් වේ. ශිරෝගත රෝග මතුවේ.

සිංහ

තරමක් අවිවේකී දිනකි. සමාජ සේවා කටයුතුවල මුල්ව ක්‍රියාකරයි. ආගමික උත්සව සංවිධානයට සහභාගිවීම් ආදියට හේතුයි. තරමක් මිල මුදල් වැය වෙයි. මුත්‍රා ආසාදන රෝග මතු කරයි.

කන්‍යා

ගමන් බිමන් බහුල වෙයි. සුහදතා වර්ධන ක්‍රියාවන් යෙදේ. මහජන ප්‍රසාදයට පත්වෙයි. ආගමානුකූල චාරිත්‍ර දාන ශීලාදී ක්‍රියාවන්වල යෙදේ. හදිසි ධන වාසනා ලබයි. නේත්‍ර රෝග, මුඛ රෝග සාදයි.

තුලා

අන් අයගේ අවශ්‍යතා මත ක්‍රියාකිරීමට සිදුවන අතර මිල මුදල් ද බලාපොරොත්තු රහිතව වැය වෙයි. ආගමිකවතාවත් උත්සව වැනි දේ ගරු කරයි. ප්‍රීති සාද වැනිදේවල් යෙදෙන වැය ඉහළ යන දිනකි. පෙණහලු ආසාදන රෝග සාදයි.

වෘශ්චික

සැහැල්ලු මනසින් දවස ගෙවයි. තම ඥාති මිත්‍රාදීන් ඒකරාශිව ක්‍රියාකරයි. ඔවුන් වෙනුවෙන් මිල මුදල්ද තරමක් වැය කිරීමට සිදුවෙයි. ආගමික වතාවත් පුද පූජා ගරුකර දවස ගෙවයි. ස්නායු රෝග, හන්දි රෝග මතු කරයි.

ධනු

ශුභාශුභ ඵලදෙයි. කෙටි ගමන්වල යෙදෙන අතර ඇසුරින් දුරස්ථ ඥාතීන් සමීප වෙයි. තම ව්‍යාපාරවල පහත වැටීමට හේතුයි. මෞත්‍ර ලිංගික පද්ධතියේ රෝග මතුවේ. විනෝදගමන් දුරගමන් යෙදේ.

මකර

ශුභාශුභ ඵලදෙයි. තම ආර්ථිකයේ පහත වැටීමට හේතුයි. හුදකලා තත්ත්වයෙන් පසුවන අතර තම ඥාතීන් සමග ඒකරාශිව ක්‍රියාකරයි. සන්ධි ප්‍රදාහ රෝග මතු කරයි. බලාපොරොත්තු නොවන ලෙස මිල මුදල් වැයවේ.

කුම්භ

ශුභාශුභ ඵලදෙයි. තරමක් ක්‍රියාශීලී දිනකි. තම ආදායම් මාර්ගවලින් සෑහීමකට පත්වෙයි. නමුත් ළඟ ම ඥාතියකු නිසා වැයපස ඉහළ යයි. මූල රෝග, බඩවැල් ආශ්‍රිත රෝග මතුවේ. කාලය හා ධනය වැයවන දිනකි.

මීන

ශුභාශුභ ඵලදෙයි. තරමක් වෙහෙසව ක්‍රියාකරයි. තම ආර්ථික වාසි සලසා ගනී. නවක මිතුදම් ඇතිවෙයි. දහමට ද ලැදිව ක්‍රියාකරයි. සෙම් රෝග, ඌෂ්ණ රෝග මතු කරයි. විනෝද ගමන් වන්දනා ගමන් යෙදෙයි.