දවසේ ලග්න පලාපල – 2023 ජූලි මස 12 වන බදාදා

මේෂ

රාජකාරි මෙන්ම අමතර ක්‍රියාකාරකම් බහුල වන දිනකි. උත්සව සභාවන්හි සහභාගි වෙයි. ව්‍යාපාරවල දියුණුවක් පෙනෙන අතර හදිසි තීරණ මත ක්‍රියාකිරීම ශුභවාදී නොවේ. මෞත්‍ර ලිංගික පද්ධතියේ රෝග සාදයි.

වෘෂභ

ක්‍රියාකාරි දිනකි. රාජකාරි ස්ථානවල සතුරු බාධා ඉවත් වෙයි. වගකීම් බහුල වෙයි. ළඟම මිත්‍රයකු නිසා මිල මුදල් වැය වෙයි. නිශ්ඵල දේවල් සඳහා ද වැය පස ඉහළ යයි. හදිසි ලාභ ලබයි. සෙම් කෝප රෝග මතුකරයි.

මිථුන

දවසේ ක්‍රියාකාරකම්වලදී මුල් වී වැඩ කිරීමට සිදුවේ. ප්‍රීතිසාද උත්සව වැනි දේට ඇරයුම් ලබයි. වැඩ කටයුතුවලදී බාධා එල්ල වුවද ඉදිරියට කරගෙන යයි. හදිසි ධන වාසනා එල්ල වෙයි. සන්ධි රෝග ඉදිමුම් රෝග මතු වේ.

කටක

කලක් ඇසුරින් දුරස්ථව සිටි මිතුරු මිතුරියන් නවක ලෙසින් සුහද වෙයි. ඇසුරු කරන්නන්ගේ උදව්වෙන් දවසේ ක්‍රියාවන් ජය ගනී. සුහදතා වර්ධන ක්‍රියාවන්හි යෙදෙන හදිසි ලාභ ලබන දිනකි. සිරසගත රෝග සාදයි.

සිංහ

ශුභ ඵල දෙයි. රැකියා ස්ථානවල අස්ථානගත චෝදනා එල්ල වෙයි. ඉවසීමෙන් ක්‍රියාකළ යුතු වන අතර තම ඥාති මිත්‍රාදීන් සුහදතා ක්‍රියාවන්හි යෙදේ. අක්‍ෂි රෝග කර්ණ රෝග මතු කෙරේ. දහමට ලැදිව ක්‍රියාකරන දිනකි

කන්‍යා

ක්‍රියාශීලී දිනකි. සුපුරුදු ක්‍රියාකාරකම්වල යෙදෙන අතර ඇසුරින් දුරස්ථ ඥාතීන් සමීප කරන ක්‍රියා යෙදේ. හදිසි ධන වාසනා ලබන දිනකි. සිරසගත රෝග ද මතුකරන දිනකි. රැකියා ස්ථානවල පැවති බාධා ඉවත් වෙයි.

තුලා

සුළුවෙන් හෝ ගමන් බිමන් බහුල වෙයි. අවිවේකී දිනකි. තම ව්‍යාපාරවල දියුණුවක් පෙනේ. යටපත්ව තිබූ ප්‍රේම සබඳතා මතුවෙයි. වැයපස ඉහළ යයි. සෙම් රෝග, උෂ්ණ රෝග මතු කරයි. ප්‍රීතිසාද වැනි දේවලට යොමු වේ.

වෘශ්චික

අවිවේකී දිනකි. රාජකාරි ද බහුල වන අතර ගමන් බිමන් යෙදේ. අතපසුවීම්වලට හේතුයි. ඇසුරු කරන්නන් නිසා තරමක් ආවේගශීලී වෙයි. අමතර ලාභ දෙයි. මෞත්‍ර ලිංගික පද්ධතියේ රෝග මතු වෙයි. ඉවසීමෙන් ක්‍රියා කළ යුතු දිනකි.

ධනු

ශුභාශුභ මිශ්‍රඵල ගෙන දෙයි. ක්‍රියාකාරකම් බහුල දිනකි. ගමන් බිමන් ද අධික වීමෙන් වැය පස ද ඉහළ යයි. සුහදතා වර්ධන ක්‍රියාවන්වලද යෙදෙන අතර හදිසි ලාභ ද ලබයි. මුත්‍රා ආසාදන රෝග මතු වේ.

මකර

ශුභාශුභ ඵල දෙයි. තම ව්‍යාපාරවල පැහැදිලි දියුණුවක් පෙනේ. හවුල් ව්‍යාපාරවලින් ජය ගෙන දෙයි. නව නිර්මාණකරණයට ශුභයි. උගතුන්ගෙන් උපදෙස් උපකරණ ලබයි. නේත්‍ර රෝග, මුඛ රෝග සාදයි.

කුම්භ

රාජකාරිවලට අමතර ක්‍රියාකාරකම් යෙදේ. සතුරු බලපෑම් දමනය වෙයි. තම ළඟම ඥාතියකු වෙනුවෙන් මුදලක් වැය කිරීමට සිදු වේ. තමනට ද අමතර ලාභ ලැබීමකට හේතුයි. ඉදිමුම් රෝග මතු වේ.

මීන

ශුභාශුභ ඵල දෙයි. තම ව්‍යාපාරවල පැවති අඩුපාඩු දැන ගනී. ඇසුරු කරන්නන් නිසා තරමක් අලාභ ගෙන දෙයි. මහජන ප්‍රසාදයට පත්වන අතර හදිසි ධනලාභ ද ලබයි. සෙම් ආශ්‍රිත රෝග පෙනහළු රෝග මතු වේ.