ලාංකික කතකට කොකාකෝලා සමාගමේ ලොකු තනතුරක්

කොකා කෝලා සමාගමේ ශ්‍රී ලංකාව සහ මාලදිවයින සඳහා නව අධ්‍යක්ෂකවරිය ලෙස කෞෂාලි කුසුමපාල පත් කර තිබේ.

කෞෂාලි කුසුමපාල මෙම තනතුරට පත් ප්‍රථම ශ්‍රී ලාංකික කාන්තාවද වේ.

පසුගිය පළමුවැනිදා සිට බලපැවැත්වෙන පරිදි කොකා කෝලා සමාගම මෙම පත්වීම ලබාදී ඇත.

කෞෂාලි නව අධ්‍යක්ෂකවරිය ලෙස ශ්‍රී ලංකාව සහ මාලදිවයින පුරා සිටින විවිධ කණ්ඩායම් සමග සහයෝගීතාව ගොඩනගා ගනිමින් කටයුතු කිරීමට නියමිතය.

කෞෂාලි කුසුමපාල 2009 වසරේ සිට වෘත්තීය ජීවිතයේ දක්ෂතා ගොඩනඟා ගෙන ඇති අතර ඇය ලියෝ බර්නෙට්, ෆොන්ටෙරා ඩේරි සහ ඩොමිනෝස් පීසා වැනි සුප්‍රසිද්ධ ආයතන සමඟින් කටයුතු කර තිබේ.

Coca-Cola හි බෝතල් කිරීමේ හවුල්කරුවන් වන Coca-Cola Beverages Sri Lanka සහ Male’ Aerated Water Company සහ අනෙකුත් පාර්ශ්වකරුවන් සමඟ සහයෝගයෙන් කටයුතු කිරීමට ඇති උනන්දුව ඉස්මතු කරමින් මෙම පත්වීම සඳහා ඇයනම් කර තිබේ.

කෞෂාලි කුසුමපාල මෙල්බර්න් විශ්වවිද්‍යාලයේ වාණිජවේදී උපාධිධාරිණියකි.