ජර්මනියේ නත්තල් පොළකට මෝටර් රථයක් කඩා වැදී දරුණු අනතුරක්
නැගෙනහිර ජර්මනියේ මැග්ඩෙබර්ග් නගරයේ නත්තල් වෙළෙඳපොළක සෙනඟ අතරට මෝටර් රථයක් කඩාවැදී සිදුවූ අනතුරකින් කුඩා ළමයෙකු ඇතුළු පුද්ගලයින් දෙදෙනෙකු මියගොස් තිබේ.
විදෙස් මාධ්‍ය වාර්තා කළේ, අනතුරින් තවත් හැට අට දෙනෙකු තුවාල ලබා ඇති බවයි.
ඉන් 15 දෙනෙකුගේ තත්ත්වය බරපතළ බවද මැග්ඩබෑග් නගර බලධාරීන් ප්‍රකාශ කළේය.
අනතුර සිදුකළ රියදුරු පොලීසිය විසින් අත්අඩංගුවට ගෙන ඇති අතර, ඔහු 50 හැවිරිදි සෞදි අරාබියානු ජාතික වෛද්‍යවරයෙකු බවට අනාවරණය කරගෙන ඇත.
සැකකරු අදාළ මෝටර් රථය කුලියට ගෙන හිතාමතා මෙම අනතුර සිදුකර ඇති අතර, එය ත්‍රස්තවාදී ක්‍රියාවක් බව එරට පොලීසිය පවසයි.