වර්ජනය දා අධිවේගයේ ආදාමය ගැන හෙළිදරව්වක්

මාර්ග සංවර්ධන අධිකාරියේ මුදල් අයකැමිවරුන් ඇතුළු සියලුම සේවකයන් රාජකාරී කටයුතුවලින් ඉවත් වු පෙරේදා (22) දිනයේ අධිවේගී මාර්ගයෙන් රුපියල් මිලියන 21 ක ආදායමක් ලැබී ඇතැයි මාර්ග සංවර්ධන අධිකාරියේ අධ්‍යක්ෂ ජනරාල් එල් වී එස් වීරකෝන් මහතා පැවැසීය.

එකී ආදායම පෙරවරු 9 සිට රාත්‍රී 7 දක්වා බවත් ඊට පෙර දින (21) පෙරවරු 7 සිට රාත්‍රී 7 දක්වා ආදායම මිලියන 23 ක් බවත් අධ්‍යක්ෂක ජනරාල්වරයා කීය.

අධිවේගී මාර්ගය පෞද්ගලීකරණය කිරීම ඇතුළු ඉල්ලීම් කිහිපයක් මුල්කර ගනිමිනි මුදල් අයකැමිවරු ඇතුළු එහි සියලුම සේවකයන් පැය 12 ක කාලයක් ලෙඩ නිවාඩු දමා සේවයෙන් ඉවත්ව සිටි අතර ත්‍රිවිධ හමුදා සාමාජිකයන් අධිවේගී මාර්ගයේ ඇතුළුවන සහ පිටවන පිවිසුම් දොරටු වල සේවය සඳහා යොදා තිබිණි.