ප්‍රකට ව්‍යාපාරික හැරී ජයවර්ධන අභාවප්‍රාප්ත වෙයි
මෙරට ප්‍රමුඛතම ව්‍යාපාරිකයෙකු වන දේශමාන්‍ය හැරී ජයවර්ධන මහතා අභාවප්‍රාප්ත වී තිබෙනවා.
මියයන විට ඒ මහතා 82 වියේ පසුවුණි.
හැරී ජයවර්ධන ලෙස හැඳින්වෙන දොන් හැරල්ඩ් ස්ටැසන් ජයවර්ධන මහතා 1942 අගෝස්තු 17 වන දින උපත ලබා තිබෙනවා.
ෆෝබ්ස් සඟරාව ඔහුව ශ්‍රී ලංකාවේ ධනවත්ම පුද්ගලයින්ගෙන් කෙනෙකු ලෙස ලැයිස්තුගත කරනු ලැබුවා.
හැරී ජයවර්ධන මහතා මුලින්ම කොළඹ බ්‍රිතාන්‍යයට අයත් තේ අපනයන සමාගමකට තේ වෙළෙන්දෙකු ලෙස සම්බන්ධ වී තිබෙනවා.
ඔහු රජයට අයත් රාජ්‍ය වෙළඳ සංස්ථාවට (ඒකාබද්ධ අපනයන) සම්බන්ධ වූ අතර එය Consolexpo Ltd ලෙස වඩාත් ප්‍රසිද්ධ වුණා.
1970 ගණන්වල අගමැතිනි සිරිමා බණ්ඩාරනායකගේ පරිපාලනය යටතේ ශ්‍රී ලංකාවේ තේ අපනයන ඒකාධිකාරය පාලනය කළ තේ දෙපාර්තමේන්තුවේ ප්‍රධානියා බවට ඔහු පත්විය.
ඒකාබද්ධ අපනයන සමාගමෙන් ඉල්ලා අස්වීමෙන් පසු, ඔහු 1977 සැප්තැම්බර් 7 වන දින ලංකා තේ අපනයනය කිරීම සඳහා ස්ටැසන් අපනයන සමාගම ආරම්භ කරනු ලැබුවා.
1988 දී ජයවර්ධනගේ සමාගම් රටේ ප්‍රධාන පෞද්ගලික බැංකුවක සැලකිය යුතු කොටස් හිමියෙකු බවට පත්වුණා
මෙම සමාගම් පසුව තවත් බොහෝ ක්ෂේත්‍රවලට පිවිසුණු අතර 1992 දී, ඔහුගේ ව්‍යාපාරික අධිරාජ්‍යය, එවකට කොළඹ කොටස් වෙළඳපොලේ විශාලතම ගනුදෙනුව වූ DCSLහි පාලන කොටසක් මිලදී ගනු ලැබුවා.
2007 දී, ඔහුගේ සභාපතිත්වය යටතේ, DCSL “Business Today” ඉහළම 10 ශ්‍රේණිගත කිරීම්වලට අනුව අංක 1 ලැයිස්තුගත සමාගම බවට පත්වුණා.
Distilleries Company of Sri Lanka, Lanka Milk Foods, Madulsima Plantations , Balangoda Plantations, Aitken Spence, Aitken Spence Hotel Holdings , Melstacorp සමාගම්වල ප්‍රධාන කොටස් හිමියෙකු සහ අධ්‍යක්ෂ මණ්ඩලයේ සභාපතිවරයාද වන්නේ හැරී ජයවර්ධනයි.
