ඛනිජ තෙල් බෙදුම්කරුවන්ට සැකයක්! ජනපතිට විශේෂ සංදේශයක්!
ආණ්ඩුව විසින් ඛනිජ තෙල් සංස්ථාව සතු ඉන්ධන පිරවුම්හල් විදේශ සමාගම්වලට පැවරීමේ උත්සහායක නිරත වන බවට සැකයක් මතුවන බව ලංකා ඛනිජ තෙල් බෙදුම්කරුවන්ගේ සංගමය පවසයි.
ඒ සඳහා රජය විවිධ උත්සාහ දරමින් සිටින බවට එම සංගමයේ උපසභාපති කුසුම් සන්දනායක මහතා චෝදනා කරයි.
මේ අතර ඉන්ධන පිරවුම්හල්හිමියන්ගේ සියයට 3ක කොමිස් මුදල කප්පාදු කිරීම සම්බන්ධයෙන් අද (03) පෙරවරුවේ ජනාධිපති ලේකම් කාර්යාලයට ගොස් සංදේශයක් භාරදීමට කටයුතු කරන බවද ලංකා ඛනිජ තෙල් බෙදුම්කරුවන්ගේ සංගමයේ උපසභාපතිවරයා සඳහන් කළේය.
මේ අතර ලංකා ඉන්දීය තෙල් සමාගමේ බෙදුම්කරුවන් ද ඉන්ධන ඇණවුම් අත්හිටුවීමට තීරණය කර ඇතැයි ද වාර්තා වේ.
එහි සභාපති කෝසල විදානආරච්චි මහතා සඳහන් කළේ, ඛනිජ තෙල් නීතිගත සංස්ථාව විසින් ඇති කරන බලපෑම මත තමන්ට එක් ඇණවුමකින් රුපියල් 35,000ක පාඩුවක් සිදුවන බවය.
