ඇල්පිටිය ප්‍රාදේශීය සභාවේ සභාපති සහ උප සභාපතිගේ නම් ගැසට් කරයි
ඇල්පිටිය ප්‍රාදේශීය සභාවේ සභාපති හා උප සභාපතිවරයා ප්‍රකාශයට පත්කරමින් මැතිවරණ කොමිෂන් සභාව විසින් අති විශේෂ ගැසට් නිවේදනයක් නිකුත් කර තිබේ.
ඒ අනුව, ඇල්පිටිය ප්‍රදේශීය සභාවේ සභාපති ලෙස කොළඹ තන්ත්‍රිගේ නිශාන්ත පෙරේරා මහතාත් උප සභාපතිවරයා ලෙස වාගොඩ පතිරගේ සුමිත් චන්දන මහතාත් පත්කර ඇති බවයි, ගැසට් නිවේදනයෙන් දැක්වෙන්නේ.
පසුගිය මස 26 වැනිදා පැවැති මැතිවරණයේදී ජාතික ජන බලවේගය, ඇල්පිටිය ප්‍රාදේශීය සභාවේ බලය තහවුරු කර ගත්තේ ය.
ඒ, ඡන්ද කොට්ඨාස 17 න්, 15 ක්ම දිනා ගනිමින් ය.
