මැතිවරණ කොමිෂන් සභාවේ තීරණාත්මක රැස්වීමක්
මැතිවරණ කොමිෂන් සභාවේ රැස්වීමක් අද (27) පැවැත්වීමට නියමිතව තිබේ.
මෙම රැස්වීමේදී පළාත් පාලන මැතිවරණය සම්බන්ධව තීරණයක් ගැනීමට නියමිත බවද සඳහන් වේ.
පසුගියදා පළාත් පාලන අමාත්‍යංශ විසින් නිකුත් කර ඇති ගැසට් නිවේදනය අනුව ජූනි 02 වැනි දින පළාත් පාලන ආයතන රැස්වීමට නියමිතව ඇත.
මැතිවරණ කොමිෂන් සභා ආරංචි මාර්ග පැවසුවේ, අප්‍රේල් මස අවසානයේදී හෝ මැයි මස මුල් සතියේදී පළාත් පාලන මැතිවරණයට අදාළ ඡන්ද විමසීම පැවැත්වීමට නියමිත බවය.
මෙම තතත්වය හේතුවෙන් අද දිනයේ පැවැත්වෙන කොමිෂන් සභා රැස්වීම තීරණාත්මක වනු ඇත.
