බෙලිඅත්ත පන්සල් වත්තෙන් තවත් අත් බෝම්බ දෙකක් සොයාගනී
බෙලිඅත්ත, නිහලුව, ගල්කෙම විහාරස්ථානයේ තිබී තවත් ජීව අත්බෝම්බ දෙකක් ඊයේ (28) සොයා ගත් බව බෙලිඅත්ත පොලිසිය පවසයි.
එම සොයාගත් අත් බෝම්බ දෙක විදේශ රටක නිෂ්පාදිත ජීව අත්බෝම්බ බව පොලිසිය කියයි.
ටැක්ටරයක් මගින් එම විහාරස්ථානයේ ළිඳක් අසල සුද්ද පවිත්‍ර කරමින් සිටියදී අත් බෝම්බයක් පුපුරා ගොස් තිබුණි.
ඒ සම්බන්ධයෙන් සිදුකළ විමර්ශන වලදී තවත් ජීව අත්බෝම්බ දෙකක් පොලිසිය විසින් සොයාගෙන පොලිස් විශේෂ කාර්ය බළකාය කැඳවා නිෂ්ක්‍රීය කර තිබුණි.
ඒ අනුව, බෙලිඅත්ත පොලිසිය වැඩිදුරටත් සිදුකළ විමර්ශන වලදී මෙම ජීව අත්බෝම්බ දෙක සොයා ගැනීමට හැකි වූ බව පොලිසිය පවසයි.
මේවන විට අත් බෝම්බ පහක් එම ස්ථානයෙන් හමුවී ඇති බව බෙලිඅත්ත පොලීසිය සඳහන් කළේය.
