යුරෝපයට පනින්න මෙරට රැඳී සිටි බංග්ලාදේශ ජාතිකයන් පිරිසක් අත්අඩංගුවට
යුරෝපයට පලා යාමේ අදහසින් මෙරට රැඳී සිටි බංග්ලාදේශ ජාතිකයන් 10 දෙනෙකුගෙන් සමන්විත පිරිසක් ඊයේ (24) පස්වරුවේ කටුනායක ආඩිඅම්බලම ප්‍රදේශයේදී ආගමන විගමන දෙපාර්තමේන්තු විමර්ශන අංශයේ නිලධාරීන් විසින් අත්අඩංගුවට ගෙන තිබෙනවා.
මොවුන් වයස අවුරුදු 20ත් – 30ත් අතර පසුවන බවයි වාර්තා වන්නේ.
මොවුන් අත්අඩංගුවට පත් වන අවස්ථාවේ ඔවුන්ට මෙරට රැඳී සිටීමට හිමිව තිබූ වීසා කාළය ඉක්මවා ගොස් තිබුණා.
මෙසේ අත් අඩංගුවට ගත් බංග්ලාදේශ ජාතිකයන් පිරිස යළි ආපසු එරටට පිටුවහල් කරන තෙක් වැළිසර රැඳවුම් මධ්‍යස්ථානයේ රඳවා තැබීමට පියවර ගෙන තිබෙනවා.
