T 56 උණ්ඩයක් රැගෙන ජනපති කාර්යාලයට ආ සෙබළා මාට්ටු
තම බෑගයේ උණ්ඩයක් සඟවාගෙන ජනාධිපති ලේකම් කාර්යාලයට ඇතුළු වීමට තැත් කළ යුද හමුදා සෙබළෙකු ජනාධිපති ආරක්ෂක අංශය මගින් අත්අඩංගුවට ගෙන තිබේ.
අත්අඩංගුවට ගත් සැකකාර සෙබලා යුද හමුදා සංඥා බළකායට අනුයුක්ත අයකු බව පොලිසිය පවසයි.
සැකකාර සෙබළා ජනාධිපති ලේකම් කාර්යාලයට අනුක්තව රාජකාරී යොදවා සිටින අයකු වන අතර ඉකුත් 20 වෙනි දින නිවාඩු ලබා ඔහු පදිංචි ලුණුගම්වෙහෙර නිවසට ගොස් ආපසු රාජකාරී සඳහා පැමිණීමේදී ජනාධිපති ලේකම් කාර්යාලට ඇතුළු වීමේ මහජන පිවිසුම අසලදී ජනාධිපති ආරක්ෂක අංශයේ නිලධාරීන් සෙබළාගේ ගමන් බෑගය ස්කෑන් යන්ත්‍රය යොදා පරීක්ෂා කර ඇති අතර එහිදී බෑගය තුළ තිබි ටී 56 උණ්ඩය සොයාගෙන ඇතැයි පොලිසිය කියයි.
