අනාරක්ෂිත වැසිකිළි වලකට වැටී සිඟිත්තිය මරුට
ආරච්චිකට්ටුව, වෛරන්කට්ටුව ප්‍රදේශයේ සාදාගෙන යමින් පවතින අනාරක්ෂිත වැසිකිලි වළකට වැටී අවුරුද්දයි මාස තුනක බිළිදියක මරණයට පත්ව ඇති බව ආරච්චිකට්ටුව පොලීසිය පවසයි.
මෙසේ වැසිකිලි වලකට වැටී මරණයට පත්ව ඇත්තේ, ආරච්චිකට්ටුව වෛරන්කට්ටුව වාකරේ පදිංචි තේනාහංදිගේ විනුකි හංසිමා නැමති නැමති දැරියකි.
ඊයේ (06) සවස මරණයට පත් දැරියගේ පියා නිවසේ සිට නැති අතර මව අවශ්‍යතාවයක් සඳහා නිවසින් බැහැරට ගිය අවස්ථාවේදී දැරිය සමග ඇයගේ වැඩිමහල් සහෝදරියත් සහෝදරයත් එකට සෙල්ලම් කර සිට ඇත.
මව විනාඩි 10 කට පමණ පසු නැවත නිවස තුළට පැමිණීමේදී තම දියණිය අනෙකුත් දරුවන් සමග නොසිටීම හේතුවෙන් කළ සොයා බැලීමේදී වැසිකිලි වැලට වැටී එහි පිරී තිබූ ජලයේ උඩ යට යමින් සිටියදී ඇය විසින්ම දරුවා ගොඩට ගෙන කඩිනමින් අසල් වාසීන්ගේ උදව් ඇතිව ආනවිලුන්දාව ග්‍රාමීය රෝහලට ඇත්ලත් කළ බවත් මව සිය කට උතරයේදී ප්‍රකාශ කර ඇත.
දැරිය රෝහල්ගත කරන විටත් මරණයට පත්ව සිටි බව රෝහල් ආරංචි මාර්ග පවසයි.
