ඉමදූවේදී බස් රථ 3ක් එකිනෙක ගැටී දරුණු අනතුරක්
ගාල්ල. ඉමදූව අඟුලුගහ ප්‍රදේශයේ දී අද (26) උදෑසන බස් රථ 03ක් එකිනෙක ගැටී සිදුවූ අනතුරකින් පුද්ගලයින් 29 දෙනෙකු තුවාල ලබා රෝහල්ගත කර තිබේ.
මෙලෙස අනතුරට ලක්ව ඇත්තේ, පුද්ගලික මගී ප්‍රවාහන බස් රථ දෙකක් සහ කාර්යාල සේවකයින් ප්‍රවාහනය කරනු ලබන බස් රථයක් බවයි, පොලීසිය පැවසුවේ.
මාර්ගයේ නවතා තිබූ බස් රථයක ධාවනය වෙමින් තිබූ බස් රථ දෙක ගැටීමෙන් මෙම අනතුර සිදුව ඇති බවට කරුණු අනාවරණය වී තිබේ.
අනතුරින් තුවාල ලැබූ 23 දෙනෙකු ඉමදූව රෝහල වෙතත් තවත් බරපතල තත්ත්වයේ පසුවූ පුද්ගලයින් 6 දෙනෙකු කරාපිටිය රෝහලටත් ඇතුළත් කිරීමට පියවර ගෙන තිබේ.
