ලොව විශාලතම මගී නෞකාවේ ඉදිකිරීම් අවසන්

ෆින්ලන්තය විසින් නිෂ්පාදනය කරන ලොව විශාලතම මගී නෞකාව බවට පත් වීමට නියමිත යාත්‍රාවේ ඉදිකිරීම් කටයුතු අවසන් බව විදෙස් මාධ්‍ය වාර්තා කරනවා.

එය මේ වසරේ ඔක්තෝම්බර් මාසයේදී පළමු අත්හදා බැලීම් සඳහා විවෘත ජලයට යොමු කරන බවයි සඳහන් වන්නේ.

Royal Caribbean International’s Icon of the Seas යාත්‍රාව මීටර් 365ක් දිග (අඩි 1,200කට ආසන්න) වන අතර එහි බර ටොන් 250,800ක් වනවා.

එය 2024 ජනවාරි මාසයේදී කැරිබියන් මුහුදේ පළමු ගමන සිදු කරන අතර එයට මගීන් 5,610 ක් සහ කාර්ය මණ්ඩලය 2,350 ක් පමණ සුව පහසු ලෙස රඳවාගැනීමට හැකි බවයි විදෙස් මාධ්‍ය සඳහන් කරන්නේ.

නෞකාව ෆින්ලන්තයේ ටර්කු හි යුරෝපයේ ප්‍රමුඛතම නැව් සාදන්නන්ගෙන් කෙනෙක් වන Meyer Turku විසින් නැව් තටාකයේ ඉදිකර තිබෙනවා.

මෙම වසර මුලදී ස්ථානීය මාධ්‍ය මණ්ඩලයකදී, රෝයල් කැරිබියන් ඉන්ටර්නැෂනල් සභාපති සහ ප්‍රධාන විධායක මයිකල් බේලි මාධ්‍ය වෙත පැවසුවේ, යාත්‍රාව 2024 මංගල ගමනට පෙර ඔක්තෝබර් 26 වන දින රෝයල් කැරිබියන් බලඇණියට සම්බන්ධ වීමට නියමිත බවයි.

Royal Caribbean International විසින් නවතම තාක්‍ෂණය භාවිතා කරමින් සහ සමාගමේ ඉතිහාසය හරහා වසර 50ක අධ්‍යන ගොඩනගා ගනිමින්, නෞකාවේ පරිණාමීය උච්චතම අවස්ථාව ලෙස Icon of the Seas යාත්‍රාව නම් කර ඇති බවයි විදෙස් මාධ්‍ය වාර්තා කරන්නේ.

Icon of the Seas සමාගම පිරිසිදු බලශක්ති අනාගතයක් කරා ගෙන යාමේ අරමුණින් Royal Caribbean International හි ද්‍රව ස්වභාවික වායු (LNG) සහ ඉන්ධන සෛල තාක්ෂණයෙන් බල ගැන්වෙන පළමු නෞකාව ද වනවා.