නීතිවිරෝධීව ගෙන ආ කෝටි 10ක ජංගම දුරකථන තොගයක් රේගු භාරයට
රුපියල් කෝටි දහයකට අධික වටිනාකමින් යුතු නවීනතම ජංගම දුරකථන තොගයක් , නීතිවිරෝධී ලෙස මෙරටට ගෙන ආ ගුවන් මගියෙකු අද(04) කටුනායක ගුවන් තොටුපොළ රේගු නිලධාරීන් පිරිසක් විසින් අත් අඩංගුවට ගෙන තිබේ .
මොහු මඩකළපුව , කාත්තන්කුඩි ප්‍රදේශයේ පදිංච් 32 හැවිරිදි පුද්ගලයෙකි
ඔහු කළක් මැදපෙරදිග රාජ්‍ය ගනනාවක හෝටල් සේවකයෙකු ලෙස කටයුතු කර ඇති අතර මේ වනවිට මොහු විවිධ භාණ්ඩ මේ ආකාරයට මෙරටට රැගෙන ඒමේ ප්‍රවාහකයෙකු ලෙස කටයුතු කරන්නෙකු වශයෙන් රේගු නිලධාරීන් හදුනා ගෙන තිබේ .
මොහු අද උදෑසන 06.30 ට ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි .
ඔහු විසින් රැගෙන විත් තිබූ ගමන් මලු 03 තුළ සම්පූර්ණයෙන්ම මෙම ජංගම දුරකථන 528 පමණක් අසුරා තිබුණි .
