බදුල්ල පස්සර මාර්ගයේ ගමනාගමනයට බාධා

බදුල්ල පස්සර ලුණුගල ඒ් 5 මාර්ගයේ 13 කණුව ඔත්තේකඩේ ප්‍රදේශය අද ( 18) දින අළුයම නායයෑමට ලක්වීම හේතුවෙන් මාර්ගය මුළුමනින්ම වැසී තිබෙන බව බදුල්ල ආපදාකළමණාකරන ඒ්කකය පවසයි.

මාර්ගයට ඉහළ කදුකර ප්‍රදේශය වැස්සත් නොමැතිව තිබියදි අද උදේ 2.45ට ඒක පමණ නායයෑම නිසා ගල් පර්වත, පස්,ගස් කඩා වැටීමෙන් මාර්ගයේ මීටර් 60ක පමණ ප්‍රදේශයක් සම්පුර්ණයෙන්ම වැසී තිබෙන අතර රාත්‍රි කාලයේ මාර්ගයේ නවතා තිබු ත්‍රිවිලර් රථ තුනකට දැඩිහානි සිදුව තිබෙයි.

මාර්ගය අවහිරවීම නිසා බදුල්ල සිට බිබිල,මඩකළපුව,මොණරාගල ,අම්පාර ,මහඔය බලා ගමන් කරන වාහන ධාවනය සම්පුර්ණයෙන්ම නැවතී තිබේ.

මාර්ග සංවර්ධන අධිකාරි පස්සර ප්‍රාදේශීය සභාව පොලිසිය එක්ව නායනෑම සිදුවු ස්ථානය පිළිසකර කරමින් පවතීන බවත් අද දවස පුරා පිළිසකර කටයුතු කිරීමට සිදුවන බවත් බදුල්ල ආපදාකළමනාකරණ ඒ්කකය පවසයි.