හොරු අල්ලන්න ප්‍රමාද ඇයිදැයි හොරුන්ම අපෙන් අහනවා
හොරුන් අල්ලන්න මෙතරම් ප්‍රමාද ඇයිදැයි හොරුන්ම අපෙන් විමසුවත් එය ක්‍රමානුකූලව කරන ක්‍රියාවක් බැවින් ඊට රජයට කිසිදු හදිසියක් නැතැයි අගමැතිනි ආචාර්ය හරිනි අමරසූරිය මෙනෙවිය කැස්බෑවේදි පැවසුවාය.
කැස්බෑව නගර සභා ශ්‍රවනාගාරයේ පැවති කැස්බෑව ආසනයේ ජාතික ජන බලවේගයේ කාන්තා සමුළුව අමතමින් ඒ බව පැවසු අගමැතිනිය එහිදී මෙසේද කීවාය .
හොරු අල්ලන්න ප්‍රමාද මොකද කියලා හොරුම අපෙන් අහනවා.කලබල වෙන්න එපා.අපි මේ හොරා පොලිස් සෙල්ලම කරනවා නෙවෙයි. ඒගොල්ලෝ වගේ නාට්‍යයක් රඟ දක්වනවා නෙවෙයි
රටක් හදන්න අපි මේ උත්සාහ කරන්නේ. හොරු ඇල්ලීම මාධ්‍ය ඉස්සරහා කරන රඟනයක් නෙවෙයි.අපි ඒගොල්ලෝ වගේහොරු බොරුවට අල්ලලා බන්ධනාගාර රෝහලට යවල පසුව අත්සනක් වැරදුනා කියලා එළියට යවන්න නෙවෙයි මේක කරන්නේ.
අපි මේක කරන්නේ හරියට නීතියට අනුවයි හරි දඬුවමකට ලක් කිරීම අවශ්‍යයි. ඒවා නිවැරදි විදියට කළයුතුයි. ඒනිසා අපට කලබලයක් හෝ හදිසියක් නැහැ .ඒවා ක්‍රමානුකූලව කරගෙන යනවා.කට්ටියට හිරේ යන්න හදිසි උනාට අපට කරන්න දෙයක් නෑ. අපේ ගිවිසුම තියෙන්නේ පරජය වු පක්ෂවලට හෝ පුද්ගලයන්ට උත්තර දෙන්න නෙවෙයි ජනතාව සමඟයි.
මෙහිදී හිටපු පාර්ලිමේන්තු මන්ත්‍රී ලක්ෂ්මන් නිපුනාරච්චි මහතාද අදහස් දැක්වීය