මහනුවර පාසල් සිසුවෙක් අතුරුදන්

මහනුවර ශාන්ත සිල්වෙස්තර විදුහලේ ඉගෙනුම ලබන පහළොස් හැවිරිදි සිසුවෙකු පාසල් ගොස් නැවත නිවසට නොපැමිණි බවට සිසුවාගේ මව විසින් කටුගස්තොට පොලීසියට පැමිණිල්ලක් සිදුකර තිබේ.

කටුගස්තොට රණවන පාරේ පදිංචි මොහොමඩ් මුඛාරත් මුජාහිත් නැමැති එම සිසුවා ඊයේ (12) දින පාසල් යාමෙන් අනතුරුව නැවත නිවසට නොපැමිණි බවට සිසුවාගේ මව විසින් සිදු කරන ලද පැමිණිල්ලේ සඳහන්ය.

එම සිසුවා ඊයේ (12) පෙරවරු 6.00 ට පාසල් යන බව පවසා නිවසින් පිටව ගොස් ඇති අතර ඉන් අනතුරුව ඔහු පිළිබඳ කිසිදු තොරතුරක් නොමැති බවද මව විසින් සිදු කළ පැමිණිල්ලේ සඳහන්ය.