ICC වාර්ෂික මහ සභා රැස්වීම ශ්‍රී ලංකාවේදී
අන්තර්ජාතික ක්‍රිකට් සභාවේ (අයි.සී.සී.) වාර්ෂික මහ සභා රැස්වීම ලබන ජූලි මස 19 වැනිදා සිට 22 වැනිදා දක්වා මෙරටදී පැවැත්වෙන බව ක්‍රීඩා අමාත්‍ය හරීන් ප්‍රනාන්දු මහතා පවසයි.
එම මහ සභා රැස්වීම ශ්‍රී ලංකාවේ පැවැත්වීමෙන් මෙරට ක්‍රිකට් ක්‍රීඩාවට සහ සංචාරක ව්‍යාපරයට විශාල වාසියක් අත්වන බව ද අමාත්‍යවරයා පැවසීය.
අන්තර්ජාතික ක්‍රිකට් සභාව ශ්‍රී ලංකා ක්‍රිකට් තහනම් කර තිබූ අවස්ථාවේදී මෙම රැස්වීමේ සත්කාරත්වය අහිමිවීමේ අවදානමක් පැවැති අතර ශ්‍රී ලංකාවේදී පැවැත්වීමට නියමිතව තිබූ වයස 19 න් පහළ ලෝක කුසලාන ක්‍රිකට් තරගාවලියේ සත්කාරත්වය අහිමි කිරීමට මීට පෙර කටයුතු කළේය.
Sri Lanka get to host the ICC AGM from July 19 -22 – 2024 in Colombo Sri Lanka. This will be a great boost for Sri Lanka with regards to Cricket and tourism.#srilankayoullcomeback for more #visitsrilanka
— Harin Fernando (@fernandoharin) February 1, 2024